有情可以喝水飽？做女人怎可以不現實

　　一天未定下來，一天都能隨時選擇？

 

　　她和IT男友一起近半年，關係穩定，以為她會就此封盤，才發現「一心一意」這個term不能用在她身上。最近她認識到另一位更好的，想轉陣了。

 

　　「邊個話拍緊拖唔可以揀架。」她哈哈的大笑出聲。

 

　　「咁你要飛咗男友，改投新歡懷抱？」我也不妨直接問。

 

　　「我唔係唔鍾意我男朋友，但有得揀點會唔揀先。」她繼續合不攏嘴。

 

　　男友普通人才，三十多歲月入兩萬多，工作算不上專業，更算不上好，如果有家境幫補就OK啦，但沒有嘛。平時他對她是不錯，但實際點的話，在這香港地不是一個好老公就夠，他能給她好生活麼？公一份婆一份，沒家底支持，婚後注定要辛苦存首期、再捱層樓、捱生活，要是生個B，應該更足襟見肘，想起都難熬吧？！

 

　　新歡吸引，當然不只是新鮮感。

 

　　「到底新歡有幾正，令你放棄男朋友？」我直達中心。

 

　　「新歡條件贏哂架，做工程師，住九龍塘，又有家底...。」她說：「做女人點可以唔現實，我唔想捱住過人世囉...…有情唔會飽架。」

 

　　拍拖除了情投意合，亦是個選擇，對方的package一樣重要，外型、能力、工作、家境、身家......通通納入考慮範圍，各樣兼得，是為好也，揀對了可以捱少十年。

 

　　有條件的男人在面前，身邊那個卻是普通料子，今回還不被比下去，有好的難道不揀嗎？現實麼，我倒佩服她如此直接，對自己的目標直認不諱。有幾多人同樣計較、比較，表面裝出一副善良面孔，說追求真愛，暗地裡以嫁有錢人為方向，她的坦白反而夠真。

 

　　現實是有錢就能過好生活，誰不想為將來打算，不為自己，也為日後小朋友打算。對方的好條件，能讓她過得更好，減輕生活擔子，「make a good choice, make a better life」，理所當然吧。

 

　　有男朋友又如何？依然可以繼續揀，認清目標，現實無罪啊。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【etnet 30周年】多重慶祝活動一浪接一浪，好禮連環賞！ ► 即睇詳情