02/07/2020
BNO居英權成真！移居英國搵工先？搵屋先？落地第一步經驗分享
千呼萬喚，英國在香港回歸 23週年當天，正式宣布准許英國國民（海外）護照（BNO） 持有人及其家屬在英國工作、居留，住滿五年後可以申請定居，再過 12個月就能申請入籍英國，總共六年。
英國內政部亦已發出官方新聞稿，預料幾個月內實施，詳情可瀏覽內政部官方網站。
上星期，特首才說英國增加 BNO 居英權是花言巧語。一夜之間，「花言巧語」突然成真！到了真正要考慮第一步的時候。萬事起頭難、人生路不熟，一個人或者一家大細下輩子要離鄉別井展開新生活，究竟應該從何入手？應該先搵工？還是先搵屋？
以下是我在英國落地留學、打工，摸住石頭過河的親身經驗。希望能幫助有意移居英國的你，走少一點冤枉路！
1/ 搵屋先？
回想初來英國報到時，「搵屋先？定搵工先？」這個問題正如「有雞先定有蛋先」，搞得我頭昏腦脹！為甚麼？兩難的局面是咁的：
首先，搵工並非一朝一夕，要看因緣際遇，加上英國公司的節奏，有快有慢 — 在英國找工作，由寄 CV 到面試到上班，我試過最快一星期完成；最慢等大半年才成功！如果大半年都無自己的落腳地，只住酒店或 Airbnb，開支應該相當驚人！於是，我打算先租屋……
英國傳統大公司、大企業例如英國廣播公司（BBC）的聘請程序繁瑣，寄 CV、第一次面試、第二次面試、正式上班之間，可能是漫長的等待。我在英國留學時，花了大半年才能正式在 BBC 上班。
出發前，本想先在香港遠距離辦妥英國租屋手續才起程。但過程中，才發現絕大部分地產經紀希望你能親身睇樓，再會洽談下一步。於是，我帶著一點積蓄，由香港來到英國，開始搵屋。
當地朋友介紹 3個英國人熱門房屋租售網站給我，包括 RightMove、 Zoopla 和 OnTheMarket，簡單易用，我找了 2-3個心儀單位，就聯絡地產公司安排睇樓服務。
我在英國的家面積約 400呎，間格四正，一房一廳，月租約 HKD$5,200。
我在兩星期內，就得到三個地產經紀回覆，並完成睇樓。但睇樓後、扑搥前，卻發現英國業主非常審慎，絕大部分都要求我出示工作證明、僱主推薦信，有的甚至要求我的月薪超過租金一倍等，才放心考慮放租給我。
當時我未有工作，我就問英國經紀，還有沒有其他方法？經紀說：「有另一個租盤的業主願意放租，但大前提是，我要一口氣繳交 6個月租金。」說到底，就是擔心你沒有錢交租，易地而處，也是合理的。但我沒有一口氣繳付半年租金的財力，唯有改行另一條路：搵工。
《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。
【與拍賣官看藝術】走進Sotheby's Maison睇睇蘇富比旗艦藝廊！蘇富比如何突破傳統成規？► 即睇
