2021-10-27Photo: 由作者提供
2021大閘蟹 | 蟹粉配甜筒、油炸鬼、花膠扒定北海道3.6牛乳？好澎湃好激盪嘅蟹粉菜式！
這陣子秋風一起、溫度稍跌，人人的味蕾都躁動起來，不是吃大閘蟹就是食碗蛇羹，情形就像一翻風就有人著皮草或羽絨一樣，好誇張，但人就是這樣過敏 —— 又或者說，人就是暗地裏期盼著變化，只要出現小小風吹草動，便忍不住ride on件事，從而為生活改變一下。
講到大閘蟹，很多人都開始到店舖訂購，然後拿回家大開蒸籠，一個literally拆天拆地嘅大閘蟹party，但有不少人同時都好享往到中菜廳享用大閘蟹，一來食完拍拍屁股就走人，不用花時間張羅這個收拾那個，二來可同時品嘗各式蟹粉菜式，說到底，大閘蟹可以自己蒸，蟹粉菜式卻不容易自己處理。
近日我都試過好幾家大閘蟹套餐，有的還做半價（請各位參考上一篇文章啦），有的不做特價但仍然交出亮麗而抵食的成績，例如沙田帝逸酒店二樓的中菜廳「逸軒」，就推出了「 逸軒秋日大閘蟹美饌」，包括蟹粉小籠包、紅糟意瓜炒蚌仁、蟹粉白玉燴雪燕、清蒸大閘蟹（每位2隻）、蟹粉扒花膠扒、艇家花膠浸時蔬、水鄉蟹粥、精美甜品，每位港幣$938，加上10%服務費，每人逾一千元落樓，以這個菜單來說，都不算貴了，始終在中菜廳點兩隻大閘蟹都大約要$400，現在一千元有齊其他蟹粉菜式，實在頗划算。
「 逸軒秋日大閘蟹美饌」，由清蒸大閘蟹至蟹粉扒花膠扒共有8道菜，每位港幣$938，但供應期比較短，只去到11月15日，若反應好不知能否延長供應期。
而逸軒提供的蟹粉分量，亦真的比想像中慷慨，就以蟹粉小籠包為例，內裏的蟹粉連湯真的很豐滿，吃後不單具滿足感，也開始有少少飽肚，如果你想添食，每隻單點價$42，對細食的女生來說，吃兩三隻或可能已夠full，也足以填滿對蟹粉的渴求。
蟹粉小籠包，手工不錯，也頗為大隻。
把小籠包夾起，可看見小籠包有多「墜手」，下半部分全是蟹粉和湯汁，幸好小籠包皮薄得來也夠柔韌性，不斷拍照後也未有破皮爆餡。
然後吃了「過場性質」紅糟意瓜炒蚌仁，再來到蟹粉白玉燴雪燕，正常人都吃飽達一半，此時才真正開始享用大閘蟹兩隻，大概你是沒有不夠分量不夠飽肚的投訴空間了。
大閘蟹套餐的紅糟意瓜炒蚌仁，算是一道「過場」的菜式，以清鮮的蔬菜和海鮮，為食客的味蕾調整一下，以準備之後的各式重口味蟹粉食品。
大閘蟹套餐的蟹粉白玉燴雪燕，以濃味蟹粉搭配輕盈雪燕，帶來很balance的口味。
大閘蟹套餐的清蒸大閘蟹，每位有兩隻，每隻大約4兩多，若要再添食，大約每隻售$198。
下一頁：蟹粉扒花膠扒、鬼馬蟹粉、蟹粉雪糕筒及更多菜式
《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。
【你點睇？】以伊衝突升級，北韓派兵增援俄羅斯，你會否擔心世界發生大規模戰爭？► 立即投票
