2022-07-14Text: Yan ChungPhoto: 由作者提供

榴槤控召集！馬來西亞樹上熟榴槤來襲！4個任食好去處：農莊90分鐘狂食即開老樹貓山王／榴槤山打卡／榴槤Brunch食神秘品種／自助餐勁正榴槤甜品

【榴槤放題】2. 兩個半小時任食多個榴槤品種、榴槤山打卡兼抽機票 —Pier 1929

　　位於灣仔碼頭2樓的Pier 1929本身環境已夠IG-able，加上餐廳經常與航空公司和旅遊局搞crossover推出特色下午茶，更為注目。來到7月，Pier 1929便與馬來西亞旅遊局和AirAsia合作，將餐廳變身成「Monster Durian異想世界市集」，更推出2.5小時榴槤效題！

Monster Durian異想世界市集供大眾免費入場，當中有多個打卡。

　　Monster Durina異想世界市集開放給大眾免費入場，當中有各大充滿馬來西亞風情的美食和飲品攤位，別錯過在震撼的榴槤山前打卡！而榴槤控期待的榴槤放題，極之吸引。每位$680可於2.5小時內無限任食多款由馬來西亞彭亨州直送的時令榴槤，包括最具人氣的貓山王。全部榴槤每日樹上熟即時收果，24小時內新鮮空運到港。另外，放題亦包括每人一份鹹甜點，包括D24榴槤芝士脆撻、D24榴槤菠蘿油、山竹石榴無酒精雞尾酒啫喱、榴槤朱古力、馬來西亞喇沙榴槤蝦夕士、榴槤吞拿魚他他墨西哥薄餅、D24榴槤炸波波配辣肉腸。