採訪東京奧運遇運動員確診 吳業坤唔驚：除咗拍攝無得出去

　　【晴報專訊】吳業坤（坤哥）、方力申及周奕瑋（Jarvis）等日前出發到日本採訪「2020東京奧運會」，眾人抵埗不久，昨日奧運村便有兩名外國運動員確診新冠肺炎，令攝製隊人人自危；身在當地的坤哥和周奕瑋昨日接受《晴報》訪問時，異口同聲表示會加倍防疫保護自己；至於方力申竟然在酒店走廊開餐歎威士忌，果然勇字當頭。

 

 

　　東京奧運將於本周五（23日）開幕，無綫攝製團隊與五位奧運主持先後赴東京採訪，吳業坤及周奕瑋最先啟程，而方力申、陳約臨及何振然則於上周五出發，因東京疫情肆虐，眾人做足安全措施才上機。他們抵達當地後，只能點對點採訪，完成工作後便要立即返回酒店，但昨日東京奧組委表示，奧運村有兩名外國運動員確診新冠肺炎，令其他運動員及工作人員無不憂心。

 

吳業坤昨日身穿東奧五輪Tee外出採訪，他留言︰「買好東西。」（IG圖片）

 

　　本報昨日聯絡上坤哥及Jarvis，坤哥說︰「其實我哋無機會接觸到運動員，同埋佢哋嘅隔離措施好嚴格。不過我哋都做好自己管理，除咗拍攝都唔會出去，亦無得出去，所以都唔擔心。自己完成採訪都會盡快返酒店同勤力洗手，做好防禦措施。」而Jarvis透露採訪人員不能進入選手村，所以至今沒有接觸過任何運動員︰「東京依家每日都有好多人確診，所以都特別小心，我都帶定消毒噴劑喺身，會好好保護自己。」

 

吳業坤和周奕瑋自組「大坤周」直擊東奧，兩人在酒店勁擦魚生、壽司。

 

方力申酒店走廊開餐

 

方力申與另外兩位主持無懼疫情，在酒店走廊吃晚餐。（IG截圖）

 

　　至於方力申抵埗翌日，便一早外出拍攝，他前晚在社交網上載影片，透露自己完成工作後已返回下榻酒店，由於不可離開酒店超過15分鐘，所以只能在便利店購買晚餐。小方說︰「由於房間太細，睇下我哋喺邊度食？我哋喺酒店走廊食。」只見他與陳約臨及何振然在走廊開餐，並展示威士忌及冰，未知是想在辛勤工作後歎番杯，抑或擔心疫情而要飲酒定驚，但眾人防疫意識似乎不足。

 

方力申昨日排除萬難採訪東奧泳池，他興奮高呼︰「呢度靚到不得了。」（IG截圖）

 

轉載自: 晴報

• 

【你點睇？】有學者倡60至65歲以下長者之2元乘車優惠，設每月補貼上限700元，你點睇？► 立即投票