新劇被睇好挽救收視 李佳芯有信心收復失地

　　【晴報專訊】李佳芯（Ali）主演的新劇《智能愛人》將於下周二晚首播，劇集緊接收視慘淡的《刑偵日記》播出，Ali有信心觀眾會喜歡《智》劇；同劇的陸永和馮盈盈亦直接「交波」給Ali，對Ali孭飛新劇有信心。

 

Ali希望觀眾看畢奧運後可以繼續追劇。

 

　　李佳芯昨日以劇中的智能機械人造型出席宣傳活動，《智》劇緊接《刑偵日記》播出，但《刑》劇收視慘淡，問向來甚有觀眾緣的Ali對收視有否信心？Ali直言︰「一半一半啦，之前喺收費台播過，但知道近排好多人睇奧運，希望令大家再睇番電視。（靠你收復失地？）無諗呀，希望帶畀大家一套溫情、富娛樂性嘅劇集，對自己一定要有信心。」

 

　　Ali又笑指劇中有女僕、美少女、骨妹和地盤工人的造型，迎合大眾的不同口味。宣傳片中見有親熱戲及摸胸場口，Ali透露劇中會被麥美恩（Mayanne）摸胸，而她則摸馮盈盈，問到哪種感覺較好？她笑言︰「摸人開心好多，畀人摸其實好尷尬，我之前都未試過。」

 

陸永望住三女撳胸唔羨慕

 

陸永在劇中被Ali、盈盈及Mayanne圍住，但他直言不享受。

 

　　問同場的陸永和馮盈盈對收視可有信心？兩人都笑言對Ali有信心，首次擔當男一的陸永表示︰「我哋對自己無信心㗎！但對Ali有信心！咩都交晒畀佢！我盡量都唔會畀人知我有份做，加上我又係不求名嘅人，（你兩個女知唔知？）唔知㗎！播出之後再考慮畀唔畀佢哋睇。（首部男一電視劇，點解要收收埋埋？）男一又有乜所謂？我就嚟40歲，都去到甘草年紀，唔求呢啲虛名。（劇入面好好艷福？）咁我有錢收㗎嘛，夠有床上戲啦，咪就係坐喺床度傾偈囉。」盈盈即笑言親熱戲都是蓋張被作交代，像是粵語殘片的復刻版。

 

　　提到被Ali摸心口時，盈盈直言不會尷尬︰「我怕佢尷尬就真，辛苦佢要摸我。」陸永卻自認是最尷尬的人︰「睇住Mayanne撳Ali心口，再見到Ali同盈盈互撳，三個人喺度撳嚟撳去都唔關我事！（你羨慕？）咁又唔係。」

 

轉載自: 晴報

• 

【你點睇】陳美寶、羅淑佩分別被任命為運物局及文體旅局局長，你是否認同新任命有助香港鞏固物流樞紐地位及促進旅遊經濟？► 立即投票