生第二胎後封肚 梁靖琪想與熊黛林對親家

　　【晴報專訊】熊黛林（Lynn）及梁靖琪（Toby）等昨日出席《家族榮耀》宣傳活動，正懷第二胎的Toby將於四月臨盆，已育有兩歲囝囝施睿文（Roman）的她，日前於社交網透露今胎同樣陀仔，她表示︰「其實我都好想追個女，但呢胎陀得好辛苦，所以生完之後封肚喇，要休息下。」至於已有一對孖女的Lynn，會否考慮追仔？她即落閘說︰「我已經同老公（郭可頌）講得好清楚，話『唔使旨意，我唔想再搬屋』。」Lynn笑言如果再生小朋友，自己一定會崩潰；她又透露孖女快四歲，已懂得自己玩，Toby即笑稱可與Lynn對親家。

Toby和Lynn拍劇時，互相交流湊小朋友的心得。

　　另外，《家》劇於收費電視頻道推出後，口碑相當不錯，問兩人對劇集將於免費電視台播出是否有信心？Lynn表示身邊朋友都有觀看，評價不俗；而Toby表明希望開拍第二輯，更大爆出任監製的爸爸梁家樹已努力寫劇本。

Toby穿上高踭鞋現身，行動輕盈。

轉載自: 晴報

【你點睇？】恒指在2024年先跌後升，你點睇2025年港股走勢？► 立即投票