【10首適合在辦公室聽的歌】想提升工作專注力？快去聽打機配樂吧

　　喺香港，有個奇怪但又好似好理所當然嘅現象，就係人人都愛塞住對耳仔聽歌。無論係搭車，定係食飯，甚至喺公司做緊嘢都好，彷彿耳邊要隨時響起自己鍾情嘅音樂，先至覺得自己有返個思考空間，又或者可以集中精神工作。

 

 

　　不過問題就嚟喇。話說小編有時都幾鍾意聽住歌打稿，試過聽住歌都可以喺預期嘅時間之內完成份稿㗎，之但係，亦有唔少次會喺心裏面不自覺咁跟住嚟唱，搞到即時跌晒watt，寫咗全日都係寫得個引言……

 

　　究竟，聽歌係咪真係可以提高專注度同工作效率㗎？ 

 

　　原來有唔少研究單位都做過相關實驗，試圖搵出聽音樂和工作效率嘅關連。其中「國際思維研究室」Mindlab International嘅研究指出，返工聽歌堅係可以提升打工仔嘅專注力，甚至減低出錯機會添！但要留意返，唔係每隻歌都有呢個「功效」㗎！

 

　　即刻等小編同大家精選幾首適合喺辦公時間聽嘅歌啦！

 

1. 古典音樂

 

　　柔揚悅耳嘅古典音樂不嬲都係唔少人嘅心水選擇，尤其係古典音樂冇歌詞，唔怕聽聽下唔覺意跟埋嚟唱！小編仲發現，相比起為人熟知嘅莫札特、貝多芬音樂，巴洛克音樂最能夠提高空間推理、專注度及詮釋能力，最適合從事同數字有關既工作嘅打工仔聽！

 

推介：

 

YouTube／華麗的漫遊

 

 

YouTube／D大調卡農與吉格

 

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】卓林普經優才計劃成為香港居民，桌總冀當局放寬16歲以下青少年進入桌球室限制助年輕人接觸桌球，你是否認同？► 立即投票

• 1
• 2
• 3
• 4
• 5