近期港股有波幅有無升幅，日日成交都係一千億咁上下，所以早幾日有網民係連登財經台開Post，問下一眾巴絲炒港股係咪已經過時；而有網友更Cap低多個股評人嘅評論，擔心年輕人炒美股及虛擬貨幣，港股已經有青黃不接的情況，唔通已經吸引力不再？

網民：政策市割韭菜，港股難再入場

　　港股過去一年由恒指高位三萬一點跌到年中低位約二萬四點，有網民總結原因是過去內地政策多次干擾不同行業，令到上市企業股價高位急跌，不論外資大行或者本地散戶都失去信心，投資者對港股市場已經卻步；另一邊廂，美股市場反覆破頂，龍頭股份穩步上揚，投資美股相對地「穩陣」過投資港股，所以連登財經台都係討論美股多過港股。

　　此外，加密貨幣都係投資者近期熱門入場對象，雖然技術門檻相對地較高，但眼見比特幣及以太幣一年內有兩三倍升幅，而買入柴犬幣、狗狗幣等更有一夜暴富嘅神話出現，惹來不少投資者尋找下一隻「爆升幣」，想比起港股牛熊證或者窩輪，加密貨幣升幅更爆炸性、更刺激，雖然當中亦充滿不少騙局，又或者破頂後急瀉的情況，但投資者仍抱著一夜發財的心態投資幣圈。

港股結構性問題成絆腳石，印花稅加價嚇怕大戶？

（Shutterstock圖片）

　　有網民認為，港股存在部分結構性問題，令投資者卻步，其中包括港股購買需要一手起入場，而美股則可一股股買。出現一手股票的原因，主要由於港股部分股價相當低，交易處理上較為麻煩，但由於目前本地的大型科技股，部分股價在一百甚至幾百蚊左右，入場費一手在三至十萬不等，無疑是趕絕散戶入場。

　　在本地股票交易額減少之際，今年財政預算案中提出提高股票印花稅，對大戶而言更加是「嚇怕」，現時買賣雙方原本各付0.1%，上調到0.13%。即每達成1000萬港元的股份成交，買賣雙方就需多付3000元，而大戶上落多次，每日交易金額可能幾千萬至幾億不等，再加上港股吸引力下降，無疑是雪上加霜。

財演紛紛撰文，指港股青黃不接

（Shutterstock圖片）

　　近來不少財經演員紛紛撰文，表示港股出現「青黃不接」的情況，年輕人都轉場投資美股或者加密貨幣市場；而有部分財演更開始評論美國股市及比特幣走勢，來迎合市場需要。炒賣港股係唔少年情人心目中有「老年化」的味道，加上港股市場有不同的「財技」出現，令其蒙上「賭場」、「老千集散地」的污名，令曾經損手爛腳的投資者，情願轉投美股虛幣的懷抱。

　　究竟港股下年能否來個大翻身仍然未知之數，但目前成交日漸縮減，每日都「妹下妹下」的情況確實令人憂慮。不過，「聰明錢」從來都係哪裡有盈利就往哪裡走，可能港股對比起其他投資市場未見有太大波幅，當股災、幣災來臨之時，或者將會成投資者另一個「避風港」的新功用亦不足未奇啦！

撰文:李皆穎