又係到聯儲主席跑馬仔環節啦！市場預計新任主席將會係感恩節前後公布，目前有兩位熱門人選，包括現任主席鮑威爾及聯儲理事布雷納德（Lael Brainard），雖然外界認為兩者都係「鴿派」之人，喺立場上邊個做都分別不大；不過面對監管問題上面兩者就大不同，銀行業或更支持布雷納德上任，究竟聯儲主席一職最終會花落誰家呢？

通脹問題難處理，油價飆升成議題

（shutterstock圖片)

　　市場預計美國總統拜登將會係感恩節假期前後，公布有關聯儲主席的人選決定，目前現任主席現任鮑威爾及聯儲理事布雷納德呼聲最高。不過聯儲主席一職實在係一個「燙手山芋」，因為目前美國通脹問題難以處理，而美國汽油價格係本月高見7年高位，究竟點樣處裡高通脹議題成為新任主席首要處理問題。

　　不過，加拿大投行BCA Research策略分析師格特肯認為，兩位候選人無太大分別，但總體而言覺得鮑威爾將被取代，因為布雷納德更符合拜登政府對貨幣的政府、金融監管、環境等睇法，同時可以係2023－2024年期間略微降低鷹派政策錯誤的風險，對民主黨而言至關重要。

布雷納達曾管理美國財政部，處理過歐元危機

　　講起布雷納達，原來佢係西德同波蘭長大，畢業於衛斯理大學，及後係哈佛大學獲得經濟學碩士和博士學位，同時都係美國國家科學基金會的研究員。2009年開始，獲得時任總統奧巴馬提名，擔任負責國際事務嘅財政部副部長；2010年雷納德管理財政部國際事務辦公室，包括處理歐元區危機及中國貨幣關係。

　　佢曾經向中國施加壓力，讓自由市場的力量引導人民幣；係主權債務危機期間，就向歐洲施壓，要求其採取更強有力的經濟救助計劃。所以如果拜登推舉佢做聯儲主席，係國際關係及貨幣方面，布雷納德似乎有更大能力處理問題，不過大家似乎比較關心新任聯儲主席點樣處理加密貨幣問題，所以近期加密貨幣都仲係一個徘迴狀態。

理事沃勒呼籲加快縮減買債，希望明年第二季加息

（shutterstock圖片)

　　美國10月份通脹升到6.2%，創下31年來新高，其中聯儲局理事沃勒（Christopher Waller）表示，如果高通脹持續，就應該加快減債步伐，為提早加息做好準備。佢傾向明年加快縮表速度，並認為明年1月縮減買債規模加快一倍，然後明年第二季應該進行加息。

　　睇怕美國「印銀紙」呢招帶來反效果，通脹上升減弱市民消費力，將會進一步打擊市民消費，究竟出年先開始加息降溫有無用呢？可能就要等新上任聯儲「一哥」有咩計仔拆拆佢啦！

撰文:李皆穎