正所謂:「做人係一個公關過程……如果公關做得唔好?食X架喇!」自反修例示威活動開始之後，政府都認咗錯判形勢，但就好似成日都係做錯嘢、講錯嘢「呃嬲」，連Jenny身邊唔少建制派朋友都擰晒頭。今日有通訊社就再爆出錄音，原來我哋特首都知自己公關唔太OK，所以去搵外援，不過就慘被餵咗幾個大檸檬!

　　是咁的，錄音入面林太就話宣傳工作為港府最薄弱一環:「I dare not say government carries out propaganda， but at least in terms of dissemination of factual information we are very， very weak」就因為係咁，林太就想要去搵人幫幫忙喇!

關公:幫政府?不了!不了!

　　不過，事情又點會咁順利呢?話說佢搵咗8間國際公關公司，想佢地幫手重啟宣傳特區嘅工作。點知，有4間公司即時要手拎頭，講明家下幫政府隨時令聲譽受損，不了!不了!有2間呢就決定「相見不如不見」。一連食咗6大粒檸檬，好彩剩低嗰2間，終於畀返幾分薄面，私底下同林太傾過下，但林太就話，佢哋嘅建議喺而家個風波後先啱用。

　　Jenny 一聽，即刻諗點解林太你唔搵本地公關公司呢?貼地啲，又唔怕有心人話你勾結外國勢力嘛!點都好啦!祈求林太唔好病急亂投醫，搵咗個好似嗰位曾經自稱港版「白宮發言人」，嘅前新聞統籌專員馮煒光之流嘅人返來啦!否則，Jenny真係冇眼睇!