05/05/2017

平民價錢至醒效用科技券至Hit方案你要知

收藏文章

　　（以下對話並非虛構如有雷同，實屬巧合）

　　Ben：你有無去嗰個科技券講座呀？

　　Patrick：梗係有啦，老細叫我去聽聽，睇下有咩solution啱公司用，順便聽下點先最快申請到。

　　Ben：我嗰日都有去呀，有啲VR solution仲有得試玩添，但我最想知嘅係邊啲solution最啱用。

　　Patrick：係囉，如果多啲介紹就好喇，我都好想知其實有咩solution係依家最正最抵用。

　　上次講左好多關於科技券（TVP）的小貼士，注意事項真係講極都唔完，有見大家仍然對TVP有唔少疑問，小編再提提大家：TVP只係用黎提高中小企業生產力及工作效率，若申請目的為研發新產品，政府唔會批。另外，用黎建立電子商店E - shop、應用程平台及網站都唔會批。TVP通常為一次過撥款，實際上亦適用於逐月訂購（subscription）的解決方案，例如雲端平台服務，但要注意的是，TVP最終可能只會資助12個月，其後的費用要公司自行負責。

熱門solution你要知

　　補完課，係時候講下依家最hit嘅solution，究竟咩行業最受惠，等小編逐一為大家介紹。

1）一站式餐飲專用POS系統

　　餐飲業從客人進入店舖前的攞飛、等位再到落單、埋單都有好多步驟，容易出現落錯漏，體驗太差就好難有「回頭客」。小編建議食肆選用一站式餐飲POS系統，可將排隊機、各種電子顯示屏、電子餐牌、自助點餐服務站及POS系統整合，餐廳老闆可以同時管理廚房員工，舖面侍應以及客人。客人可使用電子餐牌點餐，體驗好之餘，又唔會落錯單，可為客人留下良好印象，返轉頭幫襯機會大增。而舖面人手亦可有效分派，整體效率提升，可以做多幾轉生意，隨時做到你無停手兼賺到笑。

2）實用雲端文件儲存方案

　　貿易、會計以及其他專業服務公司，都有各種實體文件，但實體文件容易遺失，要搵起上黎又費時費力，儲存成本及風險極大。進入數碼世代，文件亦需要數碼化，現時就有雲端文件儲存方案，企業可將實體文件掃描並送上雲端。小編就知道有公司提供雲端文件關鍵字搜尋，用戶只需簡單輸入關鍵字就可以搵到所需文件，唔需要同D文件玩「捉依因」逐份逐份去搵，提高工作效率，亦節省時間、地方與租金，留返資金同時間專注業務發展。

3）Hit爆VR解決方案

　　零售店要吸客通常都要絞盡腦汁，其實現時最hit的VR（虛擬實境）就能輕易做到。市場上亦有解決方案可將店舖網站改建為360度全景加VR模式，如果只要配上VR眼鏡，可讓顧客仿如置身店舖實境。小編就曾親身試過，虛擬實境裡面各個方位有不同廣告位置，店主可以擺放新產品推介、文字、影片甚至優惠券，當用戶選擇優惠券後，可到實體店舖使用，實行O2O銷售模式，顧客的優惠券亦可以在社交平台上分享，顧客買到優惠產品，商戶起到宣傳之效，社交平台上的朋友亦能得到優惠資訊，達至三贏。

4）重視互動CRM系統

　　劉華話齋：今時今日般服務態度係唔足夠！零售行業除了要迎合客戶要求，更加需要主動了解客戶喜好並與客戶互動。CRM（客戶關係管理）系統除了可以管理用戶資料，並可分析客戶喜好，再投其所好地推送產品資訊給客戶，不但可以引起購買慾，更可提高客戶滿意度及忠誠度。此外，零售店亦可以訂立loyalty計劃，定期將優惠推送給客戶，客戶用抵價買到心頭好之餘，商戶營業額亦提升。

　　當然世間上的solution何其多，這只是其中幾款，如中小企業有選擇困難症，或遇到問題，小編建議使用香港電訊（HKT）的免費顧問服務，會有專業團隊解答一切關於TVP的疑難及要點。