新年經典問候 「幾時到你派利是？」

　　農曆新年，連放幾日紅假，加上新春的氣氛，放假前後都滿是Holiday Mood。

　　不過，有假放，不等於會愛上節日。農曆新年是未婚或單身人士既愛且恨的日子。愛，因為還有利是可以逗；恨，則是每年都固定聽到幾句例牌又經典的寒暄……包你聽到厭，聽到煩…

 

　　剛上大學至畢業的幾年間，每年都聽到不同人，問著相類似的問題「拍拖未啊？」。

 

　　到出來工作，就更多升級問題…

　　「有男朋友未啊？無見你帶過出？？？」

　　「你唔細架啦，諗結婚未啊？」

　　「幾時到你啊？」

　　「收埋今年好啦，下年到你派啦！」

 

　　平時只是Hi Bye最多閒聊幾句的親戚、遠方叔伯朋友，都突然地、非常地關心你的感情事，要在三言兩語間，Update你的感情狀態、交往進度、甚至連結婚你從未想過，他們都已經幫你諗定－「你要開始計劃架啦！」。

 

　　新年這個歡聚一堂的好日子，你會由朝到晚，面對親友車輪轉的熱切關心，然後你得把感情狀況重複又重複的說至少十遍以上。

 

　　無錯，每逢新年，我笑容滿面地和親戚拜年、聊天，心裏卻超想避談感情事。被這個、那個、下個追問感情現況，我該怎麼回答呢？

 

　　坦承說有男友，又會被細問一齊幾耐，男友的職業和背景、有無結婚打算；關係未確定，未想太快公開，乾脆說沒有男友？又被追問不拍拖的原因。

 

　　我這個享受單身的人，幾年來都無情事可奉告。面對親友的關心，實在要怎麼說？直認自己繼續單身ing，卻總是換來奇怪的目光，還有一大堆理論，「點解無拖拍啊？」、「你係咪太挑剔啦？」、最後提你一句「你唔細架啦！」。

　　

　　這種節日，單身的人依然過得很好，卻有人提著你「你很另類」。我不覺得單身就等於孤單過節，更不覺得有拖拍就叫幸福。

 

　　單身，是因為還未遇到令我們心動的人，卻不想為了順應主流觀念，貿然和一個不怎麼喜歡的人湊合在一起。那些親朋戚友不會明白，既然不明白，就請不要多多意見。

　　

　　新年，無需要比我們還著急，一句「幾時到你啊？」，是問題或問候都好，反正未來都充滿未知之數。

 

　　新一年，最緊要過得開心。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇