交友App情人：又要玩，又要唔信？

　　她一向耐不住寂寞，剛回復單身便落力識人。

　　「不如你都裝個交友App。」她笑著說。

　　「你知我唔玩架。」我拿起手機繼續手遊。

　　「你咪裝嚟識人囉...或者幫吓我。」

　　「小姐，今次咩事？」

　　圈子細想識人，談何容易，難道行出去就有人搭訕嗎？無朋友無介紹，快捷方便下載個交友App吧。

　　「我同佢始終App識，唔太了解。」

　　「App識人係咁架。」我說事實啊。

　　「我驚佢仲會識其他女仔...不如你主動add佢，試吓有無古怪。」

　　她和他網上傾了個多星期便見面，第二次約會甫即一起，快到呢，急著拍拖的人都是這樣吧。她落力遊說我交友，可不是關心我單身寂寥，而是要個卧底情人。

交友App有如個大海，太易識人，這個不夠好看，next；太悶，next，反正有下個下下個。由App友發展成情人又代表什麼，多的是拖繼續拍，App繼續玩，女繼續識。從零開始的陌生人，未摸清對方底蘊，一齊了還是有戒心，就如她半信半疑，帶著不安的心情，暗地裏想盡方法查證新男友有多專一。

　　她已找過另一位朋友在App上與男友攀談，試探他有無二心，也順便核對男友說的工作、背景是否一致。上次試驗他未完全過關，今次找來我當卧底二號，也不知是不是排解疑慮的方法，但不盡相信卻繼續一齊、繼續試？

　　古板的我除了手機有位裝game，對交友App卻不大感興趣，除了沒空隔著手機和一個素未謀面的男人找話題外，也了解App中太多人放釣，假背景，假單身，你如何證實？

　　沒有誰能保證網上的真偽，如果要玩就請相信，不相信就別認真或直接刪App，抱住戒心試探下去也太辛苦了吧？！

《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

《說說心理話》心理急救II：幾個徵兆辨認身邊人需要心理支援！點樣對情緒進行急救、自我照顧？專家分享穩定情緒小練習► 即睇

古錦榮