當約會只在晚上進行或是甚少見面，其實你有多重要？

　　剛一起，本該是甜蜜，但如果開始時已心存疑慮呢？

 

　　「我問你吖，一齊無耐，唔係應該成日見咩？」她皺著眉說。

 

　　「正常都係㗎，見少一陣都唔得啦。」真讓我懷念那段被愛沖昏頭的時候。

 

　　她跟男友一起才個多月，該是處於日癡夜纏的熱戀期，不然更待何時呢？　

 

　　「但係我哋見得好少，一兩星期先一次，每次都要就佢時間，通常夜晚先得閒，都未試過day date。」她接著說：「佢話返工忙，weekend一係要應酬，難得有時間又約咗朋友。」

 

　　「所以多數平日夜晚見？」

 

　　「係呀，食個飯，行一陣，或者去酒店……」

 

　　熱戀期沒有，甜蜜也未必有，一起不久便很少見面？！他是真的白天忙工作，晚上忙應酬，還是有各種藉口盡量少見？時間有，但不是他的me time，便是已和朋友安排節目，她嘛，等等吧。作為女友，見面要排隊，更要就他schedule，這種人我遇過，著實令人反感。

 

　　「有冇其他古怪嘢？」我怎麼看，這段情都很不正常。

 

　　「有時見佢行埋一邊覆message、唔會喺IG放合照、冇見過佢朋友，算唔算呀？定一齊耐啲就會好？」

 

　　過往的經驗告訴我，連開始也少見，他能對她有多在乎？這種情況原因不就只有兩個：一是喜歡你有限，首選不是你，空餘時間、要找人陪、過夜才把你納入待見名單；二是他這個幕後玩家，時間要分給很多人，要排也先輪到其他女生，你不過是其中一個，有需要才找你。作為女友卻不被重視的話，退位做朋友也沒那麼灰。

 

　　少見、只在晚上約會，甚至直落去開房……聽起來也不太正常，還加上行蹤神秘，不願曝光，拼湊起來有愈發不對勁？不安感可沒有假的，猶其現在玩家那麼多，明呃、暗騙的「時間管理達人」，正印、小三、小四不在話下，為情為性的都有。剛一起還是小心為上，帶眼分辨真情假意，先別一頭栽進去吧。

 

　　把時間分給你的人不代表真的愛你，但有時間也不留給你的人，說「忙」只是因為你從不在他的優先次序上，說多無謂。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇