【健康養生】大角咀街坊米芝蓮家的味道湯品小棧　

#米芝蓮

　　若果你係「唔湊米氣」的一群，你亦可以選擇特色撈米線套餐，先揀主菜，包括：野生菌醬撈、香菇燜雞腿、花雕醉雞翼、合桃花豆卜以及牛肝菌牛筋。配菜仍舊是飯餐所提供的16款，除了米線之外，你亦可以選擇台灣鹽水意面或台灣新竹米粉。

編輯自選套餐：牛肝菌牛筋 + 台灣新竹米粉 + 花雕醉雞蛋 + 合桃花雞腳

牛肝菌牛筋（$36）台灣新竹米粉（$8）

味道：牛筋腩燜得透徹，肉質夠腍且入味，牛肝菌的味道和牛腩配合下，味道濃厚。米粉十分幼細，筷子夾起時，可以看到湯汁完全掛在面身，一入口就感受到香濃的牛肝菌味道。不過，由於米粉能鎖住大量湯汁，所以食落去味道都幾鹹。

花雕醉雞蛋（$8）

味道：帶微微酒香味，味道偏淡，醉蛋的溏心效果再多點就更佳。

合桃花雞腳（$13/三隻）

合桃花

味道：味道似一般的鹵水雞腳，雞腳燜得好腍而且入味；上面黑色一條條的應該就是合桃花，咬落去口感煙韌，吸盡鹵水精華，小編幾乎食盡所有合桃花，十分美味！

　　店內的地方雖然不大，大概只能容納十數人左右，坐下時感覺雖然有點擠擁，不過感覺就是非常整潔，食客之間距離更近，感覺既密切又溫馨。由於蒸櫃的位置有限，所以每一款湯水都只能同一時間供應兩三碗，店員會不斷再燉新湯，要飲靚湯可能要等十至十五分鐘啦！整體而言，無論燉湯、小菜，還是獨門自家調製飲品，都見盡老闆的心思，而且價錢仲相當大眾化，廿幾蚊一個湯，四蚊一個紅米飯，小菜都只面幾蚊至十幾蚊不等，絕對是超值！