米芝蓮級雪條！富臨飯店推限定陳皮紅荳沙雪條！綿密紅豆加遠年陳皮，$50一條值唔值？

　　踏入9月，雖說已經入秋，但是天氣依舊翳熱，心情大受影響，變得鬱悶……編者最喜歡就是吃雪糕、雪條來掃一掃走「熱氣」！去便利店、超市買？我食得招積，食米芝蓮級雪條！話說早前米芝蓮星級食府富臨飯店跟本地一個手工雪條品牌N*ICE POPS 合作，推出限定「陳皮紅荳沙雪條」，聽說雪條更是適合純素者食用，想捉緊夏天的尾巴歎雪條？又或一嘗米芝蓮雪條是甚麼味道，繼續睇落去！

 

富臨飯店首次跟本地手工雪條品牌合作，更是夏日限定，想食就要捉緊夏天的尾巴！

（圖片由富臨飯店提供）

 

　　陳皮和紅豆向來都是萬年不敗的配搭，這個以傳統中式糖水為基礎的紅豆雪條，果然不負米芝蓮美譽，採用原粒紅豆和遠年陳皮炮製！咬一口，紅豆沙的口感非常綿密，而陳皮的甘甘香氣亦很突出，令人一試難忘！品牌更加入天然的椰汁炮製，雪條口感順滑得很，又不會過於甜膩，冰冰涼涼超清新！此外，這款「陳皮紅荳沙雪條」是不含奶類製品及麩質食物，純素食者都可以品嘗！

 

如果你是在餐廳內品嘗雪條，不妨點碗陳皮紅荳沙冷熱二食，滋味double up！

「陳皮紅荳沙雪條」$50 / 條

（圖片由富臨飯店提供）

 

　　用料足，味道好，而且是名店出品，當然也不是普通雪條價，陳皮紅荳沙雪條每條盛惠$50；要吃出更好風味，餐廳就建議大家預先準備一個食器放於雪櫃冷凍30分鐘備用；之後取出雪條置於食器上放置2至3分鐘，先溶化一點；解凍後，就可以慢慢品嘗，慢慢細嚼，感受陳皮甘香在口中逐漸滲透的感覺！

 

富臨飯店 X N*ICE POPS「陳皮紅荳沙雪條」

售價︰$50 / 條

銷售途徑︰外賣或堂食

地址︰銅鑼灣告士打道255 257號信和廣場 1樓

營業時間：11:30am-2:30pm、6pm-11pm

電話：2869 8282

Facebook: https://www.facebook.com/forum1977/

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇