2021-04-13Text: Yan Law

Donki以外新掃食點！「偽出國」主題，至筍價掃星馬泰韓日風味美食！$1激筍優惠有乜必搶？

#Soda Mall #紅磡 #著數 #優惠 #醬油蟹 #醬油蝦 #泰國醬料包 #Duria榴槤 #日東卷蛋 #韓國水果燒酒 #堂水 #啡 #Love魷 #SSOJA TOAST

　　疫情下「無得飛」，不少人都會趁假日無聊去超市逛逛兼「儲糧」，Donki絕對是不二之選，藥妝、零食、玩具樣樣都有，感覺就像去了日本旅行，可以暫時止止癮！不過Donki長年人山人海，行起來都幾迫下，更怕排隊結帳要很久……有沒有其他好選擇？編者決定去行Soda Mall首達百貨，其紅磡旗艦店佔地逾2萬呎，都算大！最近店方還特意打造「偽出國」亞洲美食嘉年華，除了出售逾400款新鮮空運直送的亞洲風味食材和蔬果外，更以$1激筍正貨優惠做招徠，好吸引！一齊睇下有咩買啦！

Soda Mall紅磡旗艦店佔地逾2萬呎

店內設有亞洲美食專區，以驚喜價發售逾400款星馬泰韓的食材、零食、雪糕凍品等。

　　貨品太多花多眼亂？不想錯過筍貨？去之前，先睇編輯的心水推介！

1. 銷售No. 1！韓印紅醬油蟹／醬油蝦

　　韓國美食除了炸雞、人蔘雞湯、辣炒年糕外，當然少不了醬油蟹和醬油蝦！醬油蟹作為韓國五大名菜之一，向來都有一班捧場客，在Soda Mall買到的醬油蟹雖然不及在韓國吃到的新鮮，但勝在方便，而且味道不錯，蟹夠大隻又足秤，蟹膏亦算鮮甜，用來撈飯一流！醬油蝦的美味程度也不輸醬油蟹！不但口感彈牙，重點是蝦頭多膏，沾上新鮮蛋黃作醬汁同吃，味道更加豐富！好吃！

左：韓印紅醬油蟹［2隻］ $285

右：韓印紅醬油蝦 $75

2. DIY泰菜無難度！Blue Elephant泰國地道醬料包

　　去泰國旅行，最愛就是在街邊買串燒吃！啖啖肉，配搭特製的燒烤汁，好惹味！想輕輕鬆鬆在家都可以吃到泰式風味？泰國烹飪名牌Blue Elephant出品的串燒套裝或者可以幫到你！內附10支串燒分量用的醃料、香草、竹籤和沙嗲醬，盒後面還印有簡單易明的食譜，炮製泰式串燒完全無難度！還有其他泰式調味醬料、即食冬蔭功湯包、椰奶、乾香茅等，款式多到都唔知點揀好！

（由左至右）

Blue Elephant BBQ套裝 $42.9

Blue Elephant乾香茅 $22.9

Blue Elephant即食冬蔭功湯 $32

3. 榴槤控必買！Duria榴槤果肉（D24／D197貓山王）

　　馬來西亞Duria的榴槤出名好食，其中D24肉質厚實，味道香甜帶奶香，而且有點酒香，入口後更有徐徐甘味滲出，令人回味無窮！D197貓山王就更好滋味，不但色澤金黃，肉多核細，咬落更有凝脂似的質感，嫩滑細緻還有獨特的芳香，正！今天無得去馬來西亞吃樹上熟，就在這裏買盒裝的止一下榴槤癮吧！現在購買Duria榴槤，更送雪米糍一盒！勁抵！