冀先結婚後生B 馬國明想代湯洛雯大肚

　　【晴報專訊】無綫劇集《寶寶大過天》本周五將播放大結局，眾演員昨日出席宣傳活動，分成男女兩組進行「媽媽初體驗」，藉此感受懷胎十月的辛酸。馬國明直言明白女性懷孕的辛苦，更表示如果男人可以生B的話，自己不介意擔當這個角色。

 

馬明為拍攝新劇積極操肌。

 

　　馬國明與吳岱融昨日在活動上，一同感受女性懷孕陣痛的感覺，只見吳岱融全程表現痛苦，最後忍不住要拔掉儀器，相反馬明似乎輕鬆「過關」。馬明表示︰「玩遊戲嗰時又唔覺好痛，只係好似有電流『嗱』住咁。如果男人可以生仔嘅話我都想試，因為母愛真係好偉大，懷孕過程亦相當辛苦，男士無呢個福氣去嘗試，但經過今次之後，感受到小朋友同媽咪嘅心靈連結天生係強啲。」

 

　　問到現實中何時做爸爸？馬明表示暫時未有計劃，但希望先結婚後生B，不過他笑言有意外的話會再公布。至於女友湯洛雯（靚湯）可有結婚生子的計劃？馬明稱靚湯一劇接一劇比自己更忙，他又自爆近日長時間開工，睡眠不足而日漸消瘦，他說︰「拍新劇《隱形戰隊》我應該要大隻啲，但偏偏唔夠瞓啲肌肉就會流失，同劇嘅陳山聰同林子善都操慣，我要向佢哋請教下。」

 

不應單睇收視

 

劇中一眾演員落力宣傳，惟欠女主角岑麗香。

 

　　《寶》劇口碑不俗，監製透露有意開拍續集，對於收視更勝同期推出的重頭劇《刑偵日記》，馬明表示︰「兩套劇時段、劇種都唔同，好難淨係憑收視去睇成績，加上依家觀眾睇電視嘅習慣都改變晒，收視始終都係講運氣，我覺得口碑更加重要。」

 

利穎怡（左一）與劇中一眾女演員齊齊扮大肚。

 

　　另外，同場的利穎怡在劇中扮大肚，不過現實生活中已婚兩年的她，則表示暫時未有生育計劃，又指任職銀行的老公跟她一樣，只喜歡跟小朋友玩。她笑言︰「因為我媽咪喺加拿大，疫情下都返唔到香港，如果媽咪同奶奶肯湊都會考慮（生B）嘅。」

 

轉載自: 晴報

• 

【你點睇？】財政預算案展開公眾諮詢，學者倡問責官員減薪並削減公務員編制，你是否認同？ ► 立即投票