冀為「前夫」謀福利 陳卓賢逆市開健身中心

　　【晴報專訊】人氣男團MIRROR成員陳卓賢（Ian）有份投資的健身中心昨日舉行開幕禮，Ian大方表示可免費招待MIRROR兄弟，又踢爆很難叫郁姜濤做gym。Ian亦透露有留意網上熱爆的群組，希望有機會能跟「苦主們」說聲︰「唔好意思！」

 

Ian榮升「陳老闆」，大方請MIRROR兄弟做gym。

 

　　Ian開設的健身中心昨日開幕，MIRROR隊友江（火畢）生（Anson Kong）、柳應廷（Jer）、李駿傑（Jeremy）、邱傲然（Tiger）、王智德（Alton）及邱士縉（Stanley）專誠撑場。Ian透露今次與朋友合資了七位數字，自己則投資了六位數，他表示︰「我對鍾意嘅嘢好上心，裝修設計都跟到足，所以無乜時間食嘢瘦咗，加上瞓得唔好，過程就好似生BB咁，但依家終於出世喇！」Ian又強調榮升「陳老闆」後不會影響幕前工作，依然會付出200%努力。

 

一眾MIRROR成員專誠撑場，夠晒好兄弟！

 

利誘花姐做gym

 

Ian一向有做gym習慣，練得一副好身材。（資料圖片）

 

　　Ian直言自己未有專業教練資格，不會落場教班，但會經常來做gym，又會為女友盧慧敏安排女教練及免費招待MIRROR一班兄弟。問到經理人黃慧君（花姐）是否最有需要做gym？Ian笑謂︰「我唔敢講佢有無需要，但佢都幾難請得郁，尤其運動方面，如果拍節目叫佢減一磅就有獎金，利誘佢都可能會做。」Ian又踢爆最難叫郁姜濤做gym︰「花姐都叫我多啲捉姜濤上嚟，佢自己都知係時候做gym改善身形，要為佢成立特別關注組，哈哈！」

 

　　另外，談到「我老婆嫁咗比MIRROR導致婚姻破裂關注組」時，Ian坦言有留意：「我都有睇啲post，覺得好得意。我覺得係生活情趣，咁多位先生嘅抱怨，我睇到係對太太嘅包容同愛，覺得好sweet。（見唔見到你個人形攬枕？）有呀，少少尷尬，好似真係畀人攬住瞓覺。」他又笑言MIRROR會為各位男士謀福利，爭取任遊戲機及模型代言人，不過他指自己未遇過「苦主」當面訴苦，但歡迎大家跟他打招呼，「我都想親口同佢哋講聲『唔好意思』！」

 

轉載自: 晴報

• 

【etnet 30周年】多重慶祝活動一浪接一浪，好禮連環賞！ ► 即睇詳情