《愛•回家》堅慌、書蟲愛跳舞 陳俊堅林浩文 為理想捱月薪8千

　　【晴報專訊】《愛•回家之開心速遞》一向臥虎藏龍，劇中飾演助導「堅慌」的陳俊堅和「書蟲」林浩文（小林），早前在跳舞比賽《盛•舞者》向觀眾展示深厚舞功。二人同屬舞蹈員出身，同樣25歲時轉型做演員，即使月薪微薄亦無悔。不過他們最近獲賞識拍真人騷《七線人棄王》，默默追夢終於有人看見。

 

 

　　陳俊堅與林浩文識於微時，跟同一位舞蹈老師學舞。俊堅說︰「當年我好曳，係外展社工執我番嚟，師傅免費教我學跳舞。」小林回想當年一放學便練舞，幾乎每日練到天光，還要跑樓梯練體能，付出不少血與汗。老師後來介紹二人入TVB做舞蹈員，俊堅的第一次便是為陳奕迅伴舞，而小林更一來便挑戰「舞台王者」郭富城。

 

小林曾為天后李玟伴舞。（IG圖片）

 

　　舞蹈員工作量穩定，亦曾在不少巨星演唱會伴舞，但他們認為舞蹈員生涯短暫，25歲時決定報讀藝員訓練班，但收入大不如前。小林說︰「跳舞最高峰搵四萬幾蚊一個project，做演員只係穩袋八千蚊月薪。但舞蹈員生涯好短，我17歲入行跳到25歲，預料未來十年只會好似斜坡咁向下走。」

 

俊堅（左）在《盛•舞者》拾回對跳舞的熱情和初衷。(網上截圖)

 

　　愛上演戲的俊堅演出《愛•回家》多年，直至近期才獲得角色名字︰「角色名係滕麗名幫我改，因為我見親導演都驚驚青青，所以叫我『堅慌』。」至於小林的「書蟲」一角，在劇中已從島大畢業，他笑言角色暫時是自己的事業代表作；而他在新劇《旁觀者》將挑戰智障人士的角色，充滿新鮮感。

 

自嘲一出鏡就死

 

（左起）俊堅、鄭雋熹、程浩駿、小林和姚宏遠演出《七線人棄王》。（IG圖片）

 

　　拍劇以外，二人成立製作公司Nobody Production拍短片「自抽」，因而獲無綫高層曾志偉賞識，製作J2新節目《七線人棄王》，大談如何在圈中生存。俊堅說︰「我成日演某角色後生版或個案人物，次次都死！喺《法證先鋒IV》第一集炸死，《降魔的》又係第一集死，死亡率100%！」小林自嘲是「入行最短但獲最多獎藝人」︰「我成日做禮儀先生，個個大獎都經我手，但好少影到我個樣，多數得隻手出鏡。」他們雖不時自嘲，但散發積極追夢的氣息。俊堅說︰「因為放負會影響其他人，就算收工返屋企好攰，我都興奮叫聲『我返嚟喇』！」俊堅除演戲外，還教跳舞、室內設計、健身教練等；小林則開設studio，希望補貼收入。

 

 

轉載自: 晴報

• 

【你點睇？】恒指在2024年先跌後升，你點睇2025年港股走勢？► 立即投票