父母年內先後離世 李麗珍感激囡囡陪伴

　　【晴報專訊】李麗珍（珍妹）的父母去年先後離世，情緒不穩的珍妹停工一段時間後，前晚終於公開亮相，出席電影《鬼同你住》的首映禮。珍妹表示現時心情已平復很多，主要靠煲劇度過難關，亦幸好有女兒許倚榕相伴，才能走出陰霾。

 

珍妹已慢慢重新投入工作，早前客串演出好友溫碧霞有份投資的新戲。

 

　　陳果、黃又南、李麗珍等前晚出席電影《鬼同你住》首映禮，已一段時間沒有面對群眾的珍妹，看來明顯有點緊張，她表示現時情緒已平復不少，又透露低潮時主要靠煲劇來填補，「自己拍戲咁多年，錯過咗好多唔錯嘅電影同劇集，好似70、80年代有好多好睇嘅電視劇，我逐一去追番，甚至粵語長片我都睇咗好多套。」不過珍妹就笑言未有重溫自己有份拍攝的作品。

 

　　珍妹又感激囡囡許倚榕在這段時間一直陪伴自己，珍妹開心道︰「囡囡一直係我最大嘅支持，佢已經出嚟做嘢，喺設計同美術方面發展，佢仲主動話畀少少家用，我真係覺得好安慰，佢無問我攞錢之餘仲畀錢屋企，佢真係大個女啦！我覺得個女就好似上天安排咗一個小天使守護自己一樣，否則我會覺得好孤獨。」

 

黃又南透露想買200、300呎單位，現正努力儲首期。

 

麥方喬離港工作老公詐型

 

麥方喬表示自己現正主力在內地拍劇。

 

　　另外，同場的麥方喬（前名︰麥家琪）鮮有在港露面，她笑言很多人以為她婚後做少奶奶，不再出來工作，但她透露自己大部分時間都在內地拍戲，日內亦會再次離港。麥方喬育有兩仔一女，談到經常在內地工作可會不捨得仔女？她說︰「有唔捨得，但都幾享受自己一個，不過個心會掛住嘅。」她直言仔女十分獨立，又大爆自己曾離港五個月，長駐佛山和順德工作，惹來老公詐型，問到老公可有叫她「修心養性」？她笑說︰「好似有，但我郁慣坐唔定。」

 

轉載自: 晴報

• 

第九屆「傳媒轉型大獎」請投etnet經濟通一票！ ► 立即行動