自爆會考「揸梯」 吳君如返母校勉勵師妹

　　【晴報專訊】吳君如日前返母校聖士提反女子中學分享求學經歷，曾贏得港台兩地影后的君如，在一班師妹面前自爆會考成績「揸梯」（H級）的瘀事。形容自己輸在起跑線的君如，自言等了40年終有幸回母校分享，她興奮得熱淚盈眶，更揚言比拿到金像獎最佳女主角更開心。

 

君如重返母校十分開心，更興奮得高舉雙手。（影片截圖）

 

　　君如日前帶同老公陳可辛及女兒陳是知一起重返母校，君如在座談會上跟師妹們分享讀書的心得及趣事，她說︰「我係1982年考會考，幾乎科科『揸梯』。大家知唔知咩叫『揸梯』？即係成績係H，ABCDE係合格，F已經唔合格，仲有G同H，明啦？嗰陣我心諗，唔合格畀個G我都得啩？究竟個H係乜嘢嚟？真係莫名其妙。」

 

君如與老公陳可辛和女兒陳是知在校內四圍參觀。（影片截圖）

 

一世留有陰影

 

大師姐君如與一眾小師妹及老師合照留念。（影片截圖）

 

　　分別於99年及03年奪得金像獎及金馬獎最佳女主角的君如，成績有目共睹，但她形容自己亦曾輸在起跑線，君如說︰「1985年考評局取消咗G同H，佢哋都算做咗一件好事，你知我哋留咗成世陰影，究竟係咪衰到要『擔梯』？究竟嗰日係咪份卷無做過呢？我呢啲就係輸在起跑線，我行得比人慢，等咗40年，等到今日，你哋畀機會我，返番嚟母校，今日真係好開心，好榮幸！」

 

　　君如愈講愈興奮，她開心得手舞足蹈表示︰「你哋唔知我有幾開心，開心過攞金像獎最佳女主角，依家講起都想流眼淚。I am so proud of聖士提反女校，但今日學校更加proud of me。」

 

 

轉載自: 晴報

• 

樂本健【年度感謝祭】維柏健及natural Factors全線2件7折► 了解詳情