《造星IV》抱恙跳唱霸氣外露 全民捧Marf：快啲單飛出道

　　【晴報專訊】ViuTV人氣節目《全民造星IV》近日掀起熱潮，頂頭大熱Marf（邱彥筒）在前晚一集中，率領A組六位成員跳唱力戰B組。抱病上陣的Marf依然出色，盡見台型，觀眾睇好這位19歲小妮子不用入女團即可提早出道，成為《造星》系列以來最強新星。

 

 

　　前晚《造星IV》30強正式展開對戰，A組導師許廷鏗（Alfred）派出主打跳舞的七人女團打頭陣，成員Marf、芯駖、超酸、Win Win、So Ching、CK及子涓以賽車手造型登場，演繹改編自節目主題曲《前傳》的舞曲《T7- Look at how you look at me》。大熱Marf因兼顧練習及日常工作，演出前不幸病倒，正式表演前更一度作嘔；不過這位「神隊友」仍交出水準，評判鄭欣宜、馮允謙及梁釗峰等對A組整體演出評價甚高，欣宜更大讚Marf極具霸氣，黃慧君（花姐）亦大嗌：「收工喇！搵到女團喇。」其實，Marf由節目開播至今人氣有增無減，其IG followers激增至8.6萬人，不少《造星》粉絲認為Marf已可直接出道，亦大讚其他成員如So Ching及CK表現有驚喜。

 

Marf落力獻唱，其表現絕不似身體抱恙。(網上截圖)

A組的七位成員皆跳唱出色，但子涓（左二）被網民批評格格不入。(網上截圖)

 

余迪偉批B組歌藝扣晒分

 

方方今次終獲評判讚賞，不用梁祖堯出手「保方」。(網上截圖)

 

　　另一邊廂，梁祖堯（阿祖）任導師的B組演繹鄭秀文歌曲《浮雕》，眾人以藝術表演作包裝，可惜唱歌仍然是B組死穴。獲阿祖力保的「負皮王」方方（方芷欣），歌聲雖然較成員東東及馬欣平穩，但有比較有傷害，B組一如所料敗給A組。評判余迪偉評語極中肯︰「之前三位歌手（評判）都無評你哋（B組）歌藝，東東唱得唔夠好，聽唔到你唱乜，如果表演中三個主角唱歌影響咗個表演，會扣晒分。」花姐表示完全同意。東東最終被out，但她演出前已自爆「舉手」加入「死亡名單」：「我唔鍾意做女團，無熱情唱歌跳舞，晉級嘅人應該係想做女團嘅人。」

 

轉載自: 晴報

• 

【你點睇】的士業「放蛇」舉報Uber，政府應否將網約車合法化？你是否支持該類自行「放蛇」行為？► 立即投票