加入最愛專欄  收藏文章 

2023-07-06

陳曉東回歸香港樂壇推新歌 緊貼《中年好聲音2》動向 放聲氣望擔任評判

  【晴報專訊】近年轉戰內地的陳曉東(東東),去年回歸香港樂壇,推出新歌又舉行個唱。東東最近推出全新廣東歌《燒光了火柴》,並預告陸續有來,近月亦因此而留港。東東自去年回歸後,一直密切留意香港樂壇動向,更是無綫歌唱比賽《中年好聲音》的擁躉;他亦有留意《中年好聲音2》海選,更揚言有興趣當評判。

 

東東為了留港專心做好音樂,推掉了不少內地工作。

 

  繼去年推出廣東歌《這種年紀》後,陳曉東今年再推出全新廣東歌《燒光了火柴》,被指是經典金曲《劃火柴》的延續,並預告年尾再有幾首廣東歌面世,回饋支持他多年的粉絲。去年十月,東東在中環海濱開騷,反應好、口碑佳,粉絲紛紛要求開part 2;而去年個唱的音樂總監伍仲衡,亦是《中年好聲音》評審之一。原來東東亦有留意這個人氣節目,對71歲的「Bill哥哥」吳大強印象深刻︰「佢真係唱得好瀟灑,仲有個音樂老師(李佳),冠軍(周吉佩)都有留意。」

 

吳大強雖然三甲不入,但觀眾緣極佳,率先接拍廣告。(資料圖片)

 

佩服參賽者唔怕醜

 

  談及《中年好聲音》,東東大讚參賽者水準高︰「我有睇過節目,參賽者嘅狀態都好好,依家啲人好熱衷參加呢啲真人騷比賽,好有表演慾。自己入行嘅年代,一般人都比較怕醜,驚上完電視第二日返工被人笑到面黃。(可會想做《中年好聲音2》評審?)如果有機會都想試下,我睇嘢都幾準,觀察力都好似laser(鐳射)咁。」他自認眼光獨到,好像之前睇好內地歌手周深,認為對方十分適合唱古裝劇集歌曲及卡通片主題曲,「最終畀我估中,依家佢全部唱晒。」東東亦有留意《中年2》海選,「知道有一個參賽者唱《女殺手》,好正,期待節目播出時,見到有自己嘅心水。」

 

網絡填詞人陳玉芳在海選時邊唱《女殺手》,邊耍功夫,相當出位。(網上截圖)

 

東東有興趣當《中年好聲音2》評審,未知伍仲衡(左)可會為老友搭路。(資料圖片)

轉載自: 晴報

夏日中暑高風險!即睇中暑迷思+預防措施!► 立即了解

更多娛樂情報文章
你可能感興趣
#陳曉東 #東東 #中年好聲音2 #伍仲衡 #陳玉芳 #劃火柴
編輯推介
即時報價
全文搜索
Search
最近搜看
貨幣攻略
大國博弈
More
Share