半夜起床為張繼聰煮宵夜！謝安琪：連蘿蔔都會雕花！對方會愛到不能自拔！

　　【晴報專訊】謝安琪（Kay）昨日到九龍灣出席電器活動，她透露六歲細女張靖（Kakaball）愛玩煮飯仔，所以兩母女經常在家中整甜品，大仔張瞻亦會下廚煮麵及煎蛋。Kay笑言︰「男仔識整嘢食好有魅力，我成日都咁灌輸佢（兒子），男人最重要係髮型同烹飪。（老公張繼聰整嘢食OK？）佢唔係用呢啲吸引我嘅，佢連廚房啲爐都唔識點開，啲煲擺喺邊都唔知，可想而知佢幾咁幸福。」

Kay笑言懂得下廚的男生充滿魅力。

　　Kay自爆會半夜起床為張繼聰煮宵夜，她說︰「佢半夜三更要食嘢，我幾攰都會即刻起身煮畀佢食。有時睇番個男主人有幾肚餓，如果佢唔係餓到一個點，仲有時間可以雕花嘅話，嗰啲蘿蔔我真係會切花花畀佢，整到好靚，靚到佢喊。」她續說︰「半夜煮嘢食畀佢嗰種心意，（對方）係會愛到不能自拔，所以女士們記住，幾攰都要幫老公煮宵夜。」

Kay指張繼聰對身材管理嚴謹，現已甚少吃宵夜。（資料圖片）

轉載自: 晴報

【香港好去處】etnet全新頻道盛大推出！全港最齊盛事活動資訊盡在掌握！► 即睇