【今年要留意】你料不到但有份埋單的叛逆與天真

　　經過了數天的燥動，且讓我們來看看脫歐的口水餘波與及對未來的啟示。

 

 

　　對脫歐最大反應的，在我有限的見識裏，有四個人：

 

　　第一個是肥媽，揭盅當日下午，我聽到她以演唱會的巨肺宣布：

 

　　「你地知唔知？脫咗歐啦！我唔見咗好多錢呀！」佢可能代表唔少投資者。

 

　　第二個係好意先生，佢嘅反應冇咁轟烈但較持續，先後幾次飛app傳書：

 

　　一、「我低估了甲午月的火力。」他早說過流年八字上邊有三把火，流月甲午（猛火）加流日丙（烈火）子，五火齊煎，功力非淺，那一點子水，原來真係杯水車薪，又逢日支沖月支子午沖，是為破日，結果令英國與歐盟的「婚姻」破裂！

 

　　二、「五火煞帶來的災害，橫掃全球，脫歐這回事，令全民皆輸。」你雖然遠在南中國海涯，英倫海峽那邊的叛逆也侵蝕到你的資產，全球股市一日內唔見咗十六萬億港元，我相信這財富蒸發效應會滲透至不同層面，對半死不活的全球經濟帶來更多拖後腿的障礙！

 

　　三、「今年是猴年、明年雞年。歐盟對高調反枱的英國不會善罷，將會殺雞儆猴」。果然，公投數日後，歐盟即擺出強硬姿態，催促英國盡快啟動脫離程序，即係你既然要出走，就快手，唔好兩頭游！歐盟周二一連兩天的峰會，重要部分已踢咗英國首相出局。

 

　　四、「脫字尾有鈎。」最初以為係鈎實，卻原來牽纏羈絆應驗在事後的糾纏中。英國有百萬計的網民要求第二次公投。根據往例，若有逾十萬人簽名，國會就要討論、政府就要回應，咁就有排攪啦，若再公投，究竟係後者是真、還是三盤兩勝呢？

 

　　對脫歐有玄學口水浪花的尚有兩位紫微斗數高手。

 

　　高手Ａ說：「丙年廉貞化忌、天同化祿，前者代表反傳統反政府，所以英國攪分裂。又天同化祿有天真任性之意，想做乜就去做。」據悉公投後，英國特別多人上網查歐盟、和歐盟內有幾多國家……等，即係事前冇乜認識，分手後先去了解！又原來脫歐派根本沒有脫歐計劃或時間表，有啲似細路仔玩泥沙，唔鍾意，推冧佢先算！呢Ｄ唔知係天真定衝動！仲有，蘇格蘭已經話咗要公投脫英，即係本來兩姊妹同嫁一夫，姊妹賭氣要離婚，妹妹要留在夫君懷抱，今次真係玩嘢玩到要割肉咧！

 

　　高手Ｂ認為廉貞化忌是脫離團體之意，因廉貞喻聚眾。天同化祿則表示創新，因此英國就脫離多年的聯盟，打算獨自闖向新的未來。

 

　　丙申年尚餘六個月，相信還有因一些人的衝動、想攪新意思（係話天真又好、創新又好啦）而引發的人禍，國際大鱷炒家東羅斯楊言：歐盟會散，而脫歐將令世界重蹈2008年金融海嘯的覆轍，唉！若果佢把烏鴉口真係貼中，今天大家真係躺著也中槍了！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【與拍賣官看藝術】走進Sotheby's Maison睇睇蘇富比旗艦藝廊！蘇富比如何突破傳統成規？► 即睇