【死亡KOL】幫人完成生前最後一個心願！「死嘢」︰透過直視死亡尋找生命價值

情緒問題源於社會，沒有人能獨善其身

　　社會的問題，William強調每一個人都有份造成。他以關愛座為例，關愛座的圖示上只准老弱婦孺使用，其他人即使身體很疲累、身體其他地方受傷、又或經期不適，一坐下就會被指罵，他批評很多社會問題就如關愛座般不合理︰「大家就係因為易啲去管理件事，就慣左呢啲指令、指引，唔去反思係咪合理。同樣道理，唔好以為人哋精神健康出現問題，選擇以自殺解決問題，就等於唔關你事，因為社會每一個人都係持分者，呢啲問題你都有份造成。」他認為身處在同一個社會，每一個社會現象、社會文化，每一個人都有份塑造而成，大家不一定是直接促成的人，但只要選擇接受這些現象，就有份助長這種社會現象。對於因社會問題而尋死的人，沒有人能獨善其身。

　　經常接觸各類求助個案，William對這個生病的社會有一股無法理清的憤怒；但他覺得：始終會有出路的。社會問題雖不是一時三刻能解決，但每個人都能做多一點，或者可嘗試尋找同路人，向對方坦白多一點。「香港最叻係唔傾唔問唔講，最叻話唔知，但其實你睇到問題嘅。當發現唔係只有自己一個人，原來其他人同我有相同睇法，我就願意踏出多一步，願意講多一點。然後每人一小步，成就眾人一大步，之後嘅精神健康發展，可能都會容易啲。」溝通從來都是解決問題的良藥，很多事情只要透過對話，就能釋放心中累積的不快，當願意將內心的痛苦傾吐而出，或許就未必會抑鬱成疾。

　　為別人的死亡籌謀，為社會的問題擔憂，那William自己的問題呢？記者問William如果明天是生命最後一日，他會怎樣過？他反問︰「可唔可以今晚就係？可唔可以而家？不如盡快啦，因為我冇咩遺憾，幾時都可以離開！」對生死，William很灑脫，因為從一開始，他生存的每一日都是「賺回來」；現在的他找到自己的生存價值，實踐自己最「擅長」之事，旁人看來確為圓滿；但他尚有一個心願未了，就是將「死嘢」結束。「我成立『死嘢』嘅目的係想盡快執咗佢。當初成立呢個機構，係因為有好多社會問題，特別係有關死亡。我覺得有一日當我可以執咗佢，就代表啲呢問題已經解決。」

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【你點睇？】財政預算案展開公眾諮詢，學者倡問責官員減薪並削減公務員編制，你是否認同？ ► 立即投票

• 1
• 2
• 3
• 4