【為何上班這麼累？】施一點小手腳！輕鬆拜拜Blue Monday！

　　星期一，總係令人有一種莫名嘅疲累，尤其當諗起呢個星期內要完成嘅工作時，心裏不由自主就生出咗對deadline嘅恐懼，心情更加鬱悶，令人忍唔住想問一句普天下打工仔嘅慨歎，究竟係邊個發明了返工？

 

　　不過，不做不做還需做，與其唉聲歎氣，都係諗諗計幫自己趕走Blue Monday！

 

1. 飲一杯香濃提神嘅咖啡

 

　　對唔少打工仔嚟講，咖啡簡直係生命中不可或缺嘅部分，返工嗰日究竟係龍係蟲，就全靠佢啦！小編知道唔少公司嘅pantry都有咖啡粉提供，但有時飲得多都會悶，所以趁星期一去coffee shop買返杯新口味試下，都係一件可以令人心情轉換嘅美事！

 

 

2. 整理枱頭擺設

 

　　返到公司一見到張枱，好自然就會諗起工作、工作、工作……壓力梗係會大啦！反正今日星期一，大家都未完全進入工作狀態，一於花幾分鐘時間執執自己張枱……嘩，一覺唔覺意，竟然搵返幾個星期前喺屋企拎返嚟，諗住放喺枱頭嘅可愛小豬擺設！但如果你本身唔鍾意放擺設，或者張枱比較空嘅話，都可以試下將日常會用到嘅水杯、筆記簿、筆筒等，左右位置互換一下，一樣可以為自己帶嚟少少新鮮感！

 

3. 填充零食櫃

 

　　好多打工仔都有買零食返公司食嘅習慣，等自己做做下嘢覺得悶，又或者口痕時，可以搵啲嘢咬下。而星期一當然就係最好嘅補倉日子啦！

 

4. 約朋友收工食個飯

 

　　平時日忙夜忙，有部分打工仔星期六、日都可能要返公司繼續做，想同朋友輕鬆行下街、食個飯，絕對唔係一件易事！又或者有些人鍾意周末喺屋企獨處下，平日先返自己想見嘅朋友出嚟聚會食個飯，update下大家嘅近況，而最好嘅係，讓自己帶住一個期待見朋友、「食好西」嘅心情，捱過漫長嘅星期一。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【etnet 30周年】多重慶祝活動一浪接一浪，好禮連環賞！ ► 即睇詳情