年頭又許願？

 

　　朋友圈中就只剩下我和她依然單身。

 

　　「喂，成年都無成績交呀？」我這樣問有點邪惡，哈。

 

　　「上年年頭我都覺得有機會脫獨架，咪又係咁。」苦笑已不需要。

 

　　過完一年，開心過，錢賺過也花過，感情繼續白果，轉眼間又年頭。

 

　　「講多無謂，有人追又點，咪一樣dry dry。」

 

　　「我係有遇過個有好感嘅人，但之後都係覺得唔啱就無發展到，無謂為拍拖而拍拖啦。」

 

　　一月期待新年新開始，二月情人節希望不要獨自過，就算還未脫獨，三月醞釀下，四月復活節該能重生兼復活吧？七月看煙花，有人陪啦。每個月都有動力，能像跑數一樣set target嗎？然而，感情不及計劃，你想的不一定就會發生。

 

　　感情不能將就，人不是沒遇到，遇到的就等於你會喜歡，會適合嗎？一起沒那麼簡單，單身久了如我們，沒遇到夠動心的，情願留在原點也不想打亂現況，貿然開始。因為我們都知道，開始了便要經營，要是一方用心不足，耐性不夠，最後爛尾收場又是另一個難過的開端，我們怕了。

 

　　「那今年呢？有冇機會開齋？」是存疑還是存有希望，許個願就能成真，還是新一年又哄哄自己而已？結果可能預期之外的好，也可能叫人出乎意料的更落空。反正節日嘛，年頭年尾，年年如此過，小時候覺得單身很孤單，人大了倒也慣，一個人玩、一個人飛、一個人過，沒甚麼嘛，又不是第一次啦喂，早點瞓啦，明天還要早起繼續生活啊。

 

　　新一年，該照樣入鄉隨俗，有理無理，許個願祈求感情順境點嗎？

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

想要獨家投資理財Tips？即Like etnet 全新Facebook專頁► 立即讚好