找個PTGF陪過節

　　  節日前我都慣性問候他，確保單身的他依然安好。

 

　　「點啊毒男，又情人節，連住新年喎。」我半掩著嘴笑。

　　「今年我先唔毒呀。」他帶點得戚。

　　「嘩，有拖拍啦？」

　　「嗯...有無聽過Part time girlfriend？」

 

　　Part time girlfriend，網路簡稱PTGF也，不都是網上才看到的故事嗎？

 

　　「係有約過一個出去...我哋出街食飯咋，無其他㗎。」他急著補充：「呢排情人節又新年，我都有諗過...。」

 

　　情人節連著新年，兩個節日都讓無拖拍的人份外無奈，單身已久的他也會悶，一齊食飯、行街、睇戲，不一定有親密接觸，他和他的PTGF是這樣的，應該是。

 

　　PTGF即兼職女友、出租情人，上網打上#ptgf兼職女友，一大堆「拍拖對象」任君選擇，要清純有清純，要性感曬胸曬腿的都有，甚至明碼實價的列明各項價目，包括談情、拖手仔、攬攬鍚鍚…一班「妹妹」等著為寂寞難耐的「哥哥」提供「拍拖」服務。

 

　　想要怎樣的女人，怎樣的服務，出得起錢能隨時租個女友，買場短暫的「情侶關係」。陪遊、陪玩、陪食是基本的，特別服務...有錢亦得，有求就有供，各取所需而已。

 

　　「搵個PTGF陪過節，點計啊？」我好奇。

 

　　「平時就幾百蚊一個鐘，節日一定加價啦，出街嘅洗費都係我出，拖手、攬嗰啲另計㗎。」有錢便能成事，懂的。

　　

　　節日加價很正常，食餐飯都貴過平時嘛，搵囡囡相陪也一樣起價。過完情人節感覺不錯，還可以誠邀陪過新年，有需要仲可以帶去見親戚，扮脫毒成功，嘿。

 

　　需要才出現的PTGF，或者比正式交個女友，付出的心思、時間、精神、責任，還要哄要疼更合乎經濟效益？

 

　　一個花錢買段不真實的感情，一個收錢陪你風花雪月，明買明賣的排解空虛，買約會買感情，好嗎？

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇