身邊總有一個「偽放閃」

　　閃光無所不在，上個網你被曬親了嗎？

 

　　「你同女朋友成日食好西喎。」我笑著說。

 

　　「你話InterContinental定Conrad嗰餐？」他答。

 

　　「哈，兩餐都係好西喎。」

 

　　「佢影相呃like多過食啦，平時唔捨得，要食就要食貴嘢，最後咪我埋單。」Oh，他這樣說自己女友啊。

 

  　　無閃不歡的不只好西……

 

　　「咁上次條Pandora呢？好多charms喎。」

 

　　「唔係我送㗎。」

 

　　「佢個post寫住『Thank you love』都唔係你？」

 

　　「佢自己買㗎……」

 

　　我和她並不熟，但幾了解她的生活大小事，Facebook、IG好比天眼，你知有些人，無論去哪裏、做甚麼都喜歡放上網share。

 

　　平民生活吃快餐、炸雞、港式西餐，誰想睇！當然要著靚衫去高級餐廳，影張靚相放上網才是曬命基本事。食？志不在此啦，好西才是重點；港女至愛，滿佈不同charms的Pandora，夠貴夠閃吧。曬命無非要得到大家的目光，來來來，羨慕得紅了眼也記得按like按心心吧。

 

　　每天掃著Facebook、IG，總有幾個朋友特別愛曬，幸福放閃、曬生活、曬好西，反正能放上網的就放，不曬不知過得豪啊。以為她放的相、寫的post就等如她真實人生？食好西要人埋單，收禮物曬甜蜜，原來是自己掏銀包。幸福的模樣假的，美好的生活假的，精心鋪陳出來的都是假的。

 

　　炫耀的美好有多好，背後的假面也可能有多假，正如她不過是拉著男友一起瘋，為她拍照影好西兼埋單而已。放閃是要別人見證自己過得有幾好，真的有特別幸福嗎？

 

　　網上五光十色的放閃，愈放閃不就愈假嗎？ 

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【etnet 30周年】多重慶祝活動一浪接一浪，好禮連環賞！ ► 即睇詳情