湊仔日睡4小時 岑麗香讚「神隊友」老公幫手開奶

　　【晴報專訊】岑麗香（香香）早前為老公強強誕下幼子「小腰果」，細仔剛滿月，香香便復出宣傳新劇《寶寶大過天》。谷胸上陣的香香坦言湊仔「無覺好瞓」，不過幸好老公強強幫到手，一聽到BB喊聲就飛撲去開奶，絕對是神隊友。

 

香香以fit爆狀態亮相，但她笑言仍未回復最佳身形。

 

　　岑麗香昨日與商天娥、吳業坤（坤哥）等出席新劇活動，香香透露細仔於4月30日出世，剛滿月不久。只見穿窄身裙的香香身材已甚fit，但她自爆：「我未完全修身，仲着住腰封，成個衣櫃得一條褲啱着咋！」不過她表示目前餵母乳及奶粉，所以不會急於減肥。

 

香香照顧兩個兒子非常忙碌。

 

　　提到照顧兩個兒子，香香坦言非常忙碌，每日只能斷斷續續睡三至四小時，幸好老公強強幫手湊仔：「老公會擺定奶粉嘅份量，又準備定奶樽，一聽到BB喊聲就會即刻去開奶，佢好叻，都幫輕咗我。」她又指大仔已經慢慢接受弟弟，令她十分感動：「有時大仔會將玩具放喺細佬隻手度，覺得佢都鍾意細佬。」另外，香香在新劇的角色育有一女，現實中可會想追個女兒？她說：「搞掂咗細仔先，順其自然啦，生咗兩個小朋友，依家好攰，暫時都唔好諗住。」

 

坤哥無得騷肌嗌可惜

 

坤哥和黃文意在劇中飾演年輕夫妻。

 

　　同場的坤哥在劇中「搞出人命」，意外令黃文意懷孕：「我嘅角色係個唔稱職嘅爸爸，吊兒郎當，由唔識湊仔變到好愛小朋友，好有擔帶，同我嘅人生一樣。」與劇中太太黃文意可有親熱戲？他搞笑說：「無，佢（黃文意）好可惜，我又操得咁辛苦，所以盡量着緊身衫騷肌。」

 

轉載自: 晴報

• 

【你點睇？】《施政報告》提出醫療改革，盧寵茂表示日後普通科門診擬只接受弱勢群體，你是否支持？► 立即投票