湾仔伊利沙伯体育馆｜郑国江举行作品展《词名一生纪念群星演唱会2026》

活动简介

着名填词人郑国江（郑老师）䇄立香港乐坛55年，撰写的广东歌歌词超过2千多首，为表扬郑老师在乐坛的贡献，将于5月15日至17日（星期五、六、日）假湾仔伊利沙伯体育馆表演场，举行作品展《郑国江词名一生纪念群星演唱会2026》。参与演出歌手多达15位，包括5月15日演出：区瑞强、林子祥、叶振棠、周国丰、李思捷、李紫昕、Vincie；5月16日演出：区瑞强、钟镇涛、肥妈Maria Cordero、黎瑞恩、曾路得、李紫昕、Vincie，以及5月17日演出：区瑞强、谭咏麟、陈美龄、林志美、露云娜、李紫昕，今日（4月14日）郑老师与区瑞强、肥妈及郑子诚出席记者招待会交代详情。

区瑞强表示邀请歌手演出《郑国江词名一生纪念群星演唱会2026》时，大家都一呼百应，「大家知道郑老师开作品展，都争相出席支持。」区瑞强指今日记者会肥妈代表电视界，他和郑子诚代表电台界，「因为我哋专播郑国江老师嘅歌，我哋嘅Air Time夹埋做咗80年。」区瑞强透露因郑老师作品超过2千首，为这次演出拣歌令他相当头痛，「我由2千几首拣咗100只歌出嚟，已经好困难，因为一个演唱会唔会唱到100首歌，所以仲要再继续删减先得。」区瑞强谓郑老师的歌，影响了几代人乐迷，肥妈都好认同，「我啲仔同孙，依家都仲听紧郑老师啲歌。」

郑子诚直言今次作品展，虽然没份演出，但依然坚持出席支持郑老师，「因为郑老师喺香港乐坛当中，带畀我哋嘅贡献实在太大，我喺人生里面经历过好多高低起跌，每个阶段都有郑老师嘅歌陪住我，所以我今日要用行动嚟支持。」区瑞强形容郑老师是「词神」，作品总能够令到歌手走红，「佢每次都写『中』畀啲歌手，好似谭咏麟好少唱剧集主题曲，《谁可改变》就系老师帮写，又好似邓丽君冇唱过广东歌，《漫步人生路》一唱又红，郑老师写亲都『中』，成为佢哋好hit嘅歌，所以啲歌手同我讲都好感激郑老师。」

肥妈虽然未有作品出自郑老师手笔，但她直言演绎郑老师作品能让她养大6个儿女同17个孙，「老实讲郑老师啲歌帮我搵咗好多钱，去到全世界登台，唱郑老师嘅歌利是都多啲，大家都唔需要睇歌词，但我一定唔可以唱错歌词，因为台下每个观众都识得唱晒啲歌，所以我都好多谢郑国江老师，虽然佢冇作过歌畀我灌唱片，但系我都搵到钱，仲有好似唱熏妮《故乡的雨》，一唱『一封家书⋯⋯』台下啲观众会听到喊，所以我系日日都唱紧郑老师嘅歌，我唔唱点样可以养大我班化骨龙呀！」

郑老师听到几位嘉宾的话，感动到喊，要用手巾抹眼泪。郑老师谓写了55年歌词，从没想过会有一定影响力，可以给人很大的力量，「我写歌词可能系无心插柳，但系首歌去到某个人某个时间，令到佢有好大嘅感触，呢个系我估唔到嘅影响力，好似我试过有次同太太去尖沙咀饮茶，有个年轻人走嚟叫我郑老师，佢话『我真系你教小学嘅学生嚟』，佢话出嚟工作唔如意，跟住收埋自己变成咗隐闭青年2年，但系有晚听收音机听到陈百强嘅《飞出去》，畀到鼓励佢跟住第二日去买报纸搵工，一路做到依家都好好，仲见返爸爸妈妈，其实我都唔记得我写过呢首歌，歌词好简单，但原来系某个情景下会令人有感触，呢啲事系令我最感动。」

嘉宾演出日期:

5月15日(星期五)

Albert

林子祥

叶振棠

周国丰

李思捷

李紫昕

Vincie

5月16日(星期六)

Albert

钟镇涛

曾路得

黎瑞恩

肥妈 Maria Cordero

李紫昕

Vincie

5月17日 (星期日)

Albert

谭咏麟

陈美龄

林志美

露云娜

李紫昕