【減脂必食】富含蛋白質！Superfood椰菜仔美味煮法

　　我第一次食椰菜仔，就是移居溫哥華的第一年聖誕。原來椰菜仔是西人聖誕的必食菜式。第一次試，我想立即吐出來，因為實在苦澀。在西方，椰菜仔就好像是榴槤一樣， 喜愛和討厭之間只有兩個派系；非常鍾意派 vs 非常討厭派。

　　後來我懂得烹調後，就知道原來西人的烹調方法令這款原本苦澀綠葉菜更加苦澀。不過如果懂得處理，椰菜仔可以非常美味。

超級食物EatClean減脂推介：椰菜仔 Brussels Sprouts

　　源於比利時，屬於十字花科蔬菜家族，學名為抱子甘藍，5粒細細粒椰菜仔已經有3克蛋白質、3克纖維，而卡路里只有36，食蔬菜都有蛋白質，絕對適合EatClean減脂的讀者。再加上升糖指數又低，連糖尿病人士也適合。椰菜仔含豐富維他命K、A、C、E、鉀質、抗氧化物質等等，對心臟健康及防止癌症有莫大幫助。

　　細細粒卻營養豐盛，比起普通椰菜，椰菜仔的蛋白質、維他命C、A、K、葉氯酸、礦物質鎂、鉀及鏻都較高。

　　在超市或街市選購椰菜仔的時候要注意其大小，愈細小的會愈甜，亦要留意每一棵都是緊緊的包著，而不是鬆開的。

在家烹調椰菜仔方法

　　所有十字花科蔬菜，例如西蘭花、羽衣甘藍、白菜等都含稱為硫代葡萄糖苷的硫化合物，所以烹調時味道一定有些苦味。我試過西方的煮法，即是乾烤烘，但發現煮這種菜最好就是平常處理其他較苦的菜，例如芥蘭一般，不要煮過火，也可能要加一點原糖。另外，由於椰菜仔是實心，會比較難熟透，最快的方法就是隔水蒸或入蒸爐蒸5分鐘，然後拿出來蒜蓉或馬拉盞炒。上圖的椰菜仔我蒸了5分鐘後加入芝士，小朋友會較易接受。亦可以考慮將其切一半，直接炒就夠容易熟透。

　　最緊要是，不要生吃，苦到爆；我試過，真的試過。

短片即學：