世上只有媽媽好，我的男友是「媽寶」

　　「阿愚你之前咪講婆媳大戰嘅，我想講，有得鬥已經好幸福，起碼個男人無咩立場，唔會偏幫任何一邊。我而家慘到……好似同人哋個仔拍拖就係迫害佢老人家咁，我開始明白點解佢前妻會嗌離婚！」女友N說。

　　「我男友好錫佢媽咪，好聽就叫孝順，難聽啲講佢根本就係『媽寶』，乜都要知會『我媽咪』，又或者『我媽咪』話唔好、『我媽咪』唔鍾意。一開始拍拖佢已經講過將來結婚一定要同埋『我媽咪』住，起初我以為來日方長可能到時唔使呢！原來係我太天真，而家情況係…… 佢話『我媽咪』唔係幾習慣多咗個人喺屋企出入，不如你等佢返鄉下或者去旅行先至過嚟瞓啦！唉！你話吖，究竟係邊個迫害邊個……」怪不得有那麼多人說，另一半最好是個孤兒。

　　我的三大推測：單親媽媽、獨子、一直同住。

　　故事開端大概是這樣的︰一位小婦人含辛茹苦將獨生兒子帶大，兩人過著有粥食粥、有飯食飯的淒苦日子，她好不容易將兒子養育成材，卻不知哪裏走來一個陌生女人想將兒子搶走；可幸他懂事，一切決定以尊重母親大人為先，拒絕讓慈母落得寂寞、空虛、伶仃的下場。

　　那麼，兒子的下場又會怎樣？

　　「你估中晒！不過我男友唔係無革命過，佢同前妻以前試過搬出去住，結果佢媽咪幾乎日日都話唔舒服無人理，請工人服侍佢又唔鍾意，最終都要佢哋搬返去，之後兩個女人日日開火，最終搞到佢前妻走返外家同埋要求離婚。」N說。

　　像這樣的因果關係根本不難猜中。要服待一家幾口、每日勞碌不停的媽媽，甚少有閒情人釘人；要是有其他家庭成員的話，兒子亦未必會一開始便確切表明婚後要與母親同住。

　　當然，不是所有單親媽媽也會孕育出媽寶，也不是所有獨生孩子都有媽寶基因。概括而言，母親溺愛兒子，為其生活大小事項籌謀打點，便很易造成互相依賴︰母親依賴兒子，體現母愛和存在感；兒子也依賴母親照顧，他的宗教叫做「我媽咪」，永遠指引他走（所謂的）正確的道路。

　　天下女人何其多，但「我媽咪」就只得一個。他交女友的首要條件是得到媽媽認可，要是母親大人不喜歡，相信沒有任何一位女友可以站得住腳。

　　媽寶的垢病是打著「好人」的旗號來追求你，可是你並沒有因為成為了他的女友而得寵，反而是要跟他一同聽候母后娘娘的差遣。當她的兒子還好，自小飯來張口，又有娘親貼身照顧；女友又如何？不就是代替「未來奶奶」接手一切家務，還得每日承受男友口中「我要問一問媽咪先」、「我媽咪年紀大，你就吓佢老人家啦」、「我得一個阿媽咋」。當初欣賞他孝順、窩心，戀上後才知道問題根源是依賴、缺乏思考、慣性由母親作主。原來孝順並不等於媽寶，愚懦才是。

　　跟媽寶談戀愛，注定有一點難度，除非你的專科是幼兒教育，擅長照顧成熟不了的巨嬰吧！