【生日大晒】「唔小心」比同事、老細睇啦！最新10月食玩買生日優惠
香港有很多地方都提供港人限定的生日優惠，今次小編就準備了10個最新著數給大家！
個個都話「生日大晒」，但一年只得一次生日，當然要大晒啦！所以，各位10月生日的壽星們，準備好怎樣慶祝了嗎？其實香港有很多地方都提供港人限定的生日優惠，今次小編就準備了10個最新著數給大家！各位打工仔壽星們，快點「不小心地」讓身邊的同事、老細看到，等他們帶你去玩、食大餐，輕鬆一日啦！
快啲揭下頁，睇下有乜生日荀野啦！
1. 海洋公園生日免費入場兼玩鬼屋 慳足$768！
一講到生日優惠，好多人都會想起海洋公園的免費入場，但10月的壽星們可能更加著數，因為撞正哈囉喂，你們可以照樣入鬼屋玩！壽星們免費入場，直接慳$480的入場費；你的朋友同樣抵玩，因為壽星們可於生日月份用85折來買4張門票。如果壽星正日入場，再帶多4位朋友一同入場，5個人計，最多可以平近$768！所以，快啲足班同事一起去玩啦！
同場加映：想知今年哈囉喂有乜玩？㩒入嚟睇下「小編撞鬼實錄」啦！
海洋公園生日優惠詳請：
日期：由即日起至另行通知；1/1/2018-31/12/2018
備註：海洋公園保留生日優惠的最終決定權，敬請留意！
2. 生日笑哈蝦！ 免費釣蝦＋送蛋糕
最近，香港幾流行室內釣蝦，可以釣完玩完再即刻食。位於觀塘的Ha Cube釣蝦場就推出了生日優惠，壽星們於生日前後三天內出示有效出生證明，即享免費釣蝦3小時優惠。如果你是想為同事慶生的話，約夠4人同行，更可獲贈生日蛋糕一個，連蛋糕都可以不用買，哈哈！（不要說是小編教的……）但謹記，生日優惠須三天前訂座。
Ha Cube蝦立方休閒娛樂俱樂部優惠詳情：
地址：觀塘駿業街60號駿運工業大廈3樓C室（顯示地圖）
營業時間：星期一至日 2:00pm-2:00am （最後入 場時間11:00pm）；逢星期二休息
電話：6961 6861
備註：店方保留生日優惠的最終決定權，敬請留意！
3. 昂坪360生日免費搭纜車 慳足$240！
如果你好日都不去一次東涌，不如趁生日去搭搭纜車吧。壽星們可以免費搭來回一次昂坪360纜車，慳了$240！生日的你，不如上轉昂坪走走，過一個被樹木包圍的生日吧！如果喜歡刺激，記得要等待水晶纜車，看著地下真是「離心力」十足。想健康一點，可以先乘一程免費纜車上昂坪，回程行棧道落東涌，因為棧道風景靚到爆。
昂坪360生日優惠詳請：
日期：即日起至 31/12/2018
地址：昂坪360東涌纜車站及昂坪纜車站
查詢：3666 0606
備註：昂坪360保留生日優惠的最終決定權，敬請留意！
4. 生日小出走 澳門來回船飛套票優惠
生日想來個小出走，澳門可能是一個好選擇，打工仔可以搵個星期五請生日假，接著星期六日，就可以放足3日，玩轉澳門都可以了！生日的朋友，持有有效之身分證明文件，於生日月份就可以$259購買生日當月金光飛航指定航線船票，享受標準艙來回套票，或以$469購買頭等艙來回套票。
金光飛航 2018生日月份大晒優惠詳情：
優惠期：即日起至2018年12月31日（2018年12月22日至2018年12月26日除外）
套票收費：$259標準艙來回套票；$469頭等艙來回套票
5. 各大戲院生日優惠大公開！
在香港消遣，不是行街就是睇戲，所以不少戲院提供生日優惠給觀眾，不過只限會員，現在就看看不同戲員的會員生日優惠啦！
MCL Club會員：生日可享有免費戲飛1張及爆谷小食。入會亦不麻煩，少許年費就可得到年中不少回贈，很抵！
Cinema City 會員：可以用年費$120入會，每消費$1換儲1分，儲夠分就有免費戲飛換。而會員於生日月份獲贈1,000分儲分，可以換取一張$115的3D戲飛呢！
UA Loyalty會員：生日會員可獲贈戲飛，在戲院買小食，更享6折優惠。如果平時嫌不捨得買的話，現在幾乎是半價！
6. 九龍東皇冠假日 生日半價送餐酒＋同行享7折
生日又怎會少了吃大餐的環節呢？現在於將軍澳皇冠假日酒店吃自助午餐或自助晚餐，就有半價優惠及獲贈餐酒一支，還可安排寫上名字的生日甜品碟，真是影相必備item！另外，同行的朋友就可以經OpenRice預訂，就可以享有平日75折，周末及假期85折。另外，10月份的自助餐主題是「花旗‧東瀛」，可以食盡美國菜和日式料理！
生日優惠詳請：
日期：即日起至31/10
地址：將軍澳唐德街3號香港九龍東皇冠假日酒店1樓
自助餐原價：成人$498、長者$398、小童$298
查詢：3983 0688
備註：酒店方面保留優惠的最終決定權，敬請留意！
7. 重點：壽星免費 半島晚市套餐＋生日蛋糕
通常自助餐的生日優惠很少會「壽星免費」，最多是半價而已。但今次半島酒店的生日優惠確實驚喜，只要4人同行在半島酒店大堂茶座食晚市套餐，即可享一客免費套餐以及生日蛋糕一個。免費晚餐喎，半島喎，抵啦！
生日優惠詳請：
日期：即日至2018年12月30日
地址：尖沙咀梳士巴利道22號
套餐原價：每位$488
電話： 2696 6772 / 2696 6693
備註：需提早3日訂座、另收加一服務費，酒店方面保留優惠的最終決定權，敬請留意！
8. 一大班同事去慶祝 醉翁亭請你打邊爐！
香港人最鐘意打邊爐，一大班同事去慶祝就最好去烚下烚下。醉翁亭推出的生日優惠是，顧客凡於生日當天或前後三天內，惠顧晚市任飲海鮮火鍋， 三至四位惠顧，生日者可獲半價優惠；五位或以上惠顧，一位生日者可獲免費優惠。
生日優惠詳請：
任飲火鍋價錢：星期一至四：成人$298；星期五、六、日、公眾假期及前夕 成人$328；小童 1.2米以下半價；3歲或以下免費
分店1：觀塘開源道 79號鱷魚恤中心 3樓全層
電話：2389 0823
分店2：太子彌敦道 789號健峯保險大廈地下及 1樓
電話：2397 6633
備註：享用生日優惠，入座時須向店員出示證明文件及須以信用卡結帳。（店方保留優惠的最終決定權，敬請留意！）
9. 食平DD 免費食兩打單骨雞翼
生日慶祝就不一定要食貴野嘅，最重要是一班人開心聚下。旺角新開的阿來東南亞風味餐廳，即日起推出生日壽星免費食黃金雞翼山活動，無論於生日正日，或是前後七天，都可在店內享用一份原價價值$204的黃金雞翼山。注意啊，這優惠並不設最低消費，你行入餐廳就即送兩打雞翼，食咗先講！
生日優惠詳請：
地址：旺角廣華街38號地鋪
電話：2618 6737
營業時間：星期一至日11am-11pm
10. 生日買野都有著數！
生日就當然不會少了生日禮物吧！很多商舖都有為壽星們提供不同的購物優惠，等大家可以大買特買，因為生日是大晒的！
Uniqlo：只要下載Uniqlo app，就即可獲贈$50優惠券給你添新裝。不過使用限制較多，例如一旦啟用了優惠介面，就須在5分鐘內使用。所以，要小心不要按錯！
Uniqlo生日優惠詳情：
內容：在app登記，$50生日優惠券於生日月份時送出
備註：店方保留優惠的最終決定權，敬請留意！
MUJI：只要使用及登記MUJI passport，在生日前於MUJI passport完成登記出生月日，生日翌月首日便可獲得額外100里數。
MUJI passport生日優惠詳情：
內容：登記MUJI passport，生日翌月首日便可獲得額外100里數
備註：店方保留優惠的最終決定權，敬請留意！
誠品：只要加入做誠品會員，於生日月份，就會有通知到店舖拿取85折優惠券，只要消費滿$200即可使用！
誠品生活生日優惠詳情：
內容：會員於生日月份會收到85折現金券
查詢：3419 6761
備註：店方保留優惠的最終決定權，敬請留意！
Add a comment ...
Comment
暫無回應