懷舊期間限定展︱3復刻龍鳳禮堂

　　上年紀的朋友，一定記得昔日龍門大酒樓呢個地標，酒樓於灣仔莊士敦道、建於1949年及2009年結業。當年四層高酒樓保留住古典中式裝飾，龍鳳禮堂栩栩如生龍鳳立體雕刻夠霸氣，中式婚禮指定影相位。大家嚟到二樓公共空間特別復刻龍鳳禮堂打卡位，展出龍門大酒樓珍貴舊物，包括龍鳳及囍字立體雕刻，舊桌椅及手推點心車仔，超懷舊！

特別復刻龍鳳禮堂打卡位，展出龍門大酒樓珍貴舊物。 

龍鳳及囍字立體雕刻，手工精細。

龍鳳及囍字立體雕刻，手工精細。

手推點心車仔。

童年回憶雪糕電單車

　　另一個焦點係充滿童年回憶的雪糕電單車，想當年不少學生放學勁期待，大家現時可以近距離觀看，旁邊更有美樂士多主題打卡位，記得眼看手勿動。

充滿童年回憶的雪糕電單車，記得眼看手勿動。

充滿童年回憶的雪糕電單車，記得眼看手勿動。

舊綠色鐵製垃圾桶。

懷舊期間限定展︱4 百年歷史百子櫃

　　二樓的主題打卡位未完㗎，201室的「灣仔角」展出有關灣仔的物品，灣仔街坊不要錯過！一入房間，已經被巨型百子櫃吸引，百子櫃是傳統中醫藥店必備，大大小小不同藥材分類存放，而灣仔藍屋原址曾經係「華陀醫院」，唔少街坊都會過去睇中醫執藥，後來華佗醫院結業並拆卸改為唐樓（即藍屋），到上世紀六十年代洪拳傳人林鎮顯醫師開跌打骨傷醫館。大家來到可參觀百年歷史、源自藥材店貨真價實百子櫃，以及相關中醫用品。

百年歷史、源自藥材店貨真價實的百子櫃。

　　同場亦展出灣仔區昔日洋服店、士多辨館珍貴舊物，帶大家回到從前，灣仔街坊來到一定找到共鳴，齊齊話當年。美樂照相館負責人Slash 表示，美樂照相館於是次期間限定展提供拍攝服務，現場備有多款復古服裝及化妝造型服務，可以同香港舊物合影，想影張復古味靚相可聯絡美樂照相館。

灣仔區舊士多辦館舊物及招牌。

灣仔區舊士多辦館舊物及招牌。

以前香港有不少洋服店，提供專門度身訂製西裝及旗袍及改衣服務。

以前香港有不少洋服店，提供專門度身訂製西裝及旗袍及改衣服務。

201室門口展示昔日布行牌匾。

（圖片來源︰M7 茂蘿街7號 fb 影片截圖）

M7聯乘美樂照相館及美樂士多期間限定展

日期：即日起至12月31日（星期二）

時間：10 am – 10 pm（G/F 公眾空間、2/F 公共空間）、11 am– 7pm（201室）

地點︰灣仔茂蘿街7號M7地下入口及2/f公共空間
https://www.facebook.com/7MalloryStreet

美樂照相館懷舊拍攝服務
https://www.facebook.com/meilokstudio

Whatsapp預約9710 0747

﹝更多注目展覽﹞