28/03/2018
【你看見自己嗎?】疲累、抑鬱、無奈……日本畫家筆下的上班族!
有時候,一張圖片,能夠勝過萬語千言。
喺Twitter擁有超過75萬followers嘅日本插圖家Avogado6,最擅長透過插畫描繪出人生嘅種種陰暗面,其中更有唔少作品細緻刻劃出上班族每日無盡嘅疲累,睇完之後真係令人感觸良多。所以小編特意揀咗幾張出嚟同大家分享,唔知你又搵唔搵到自己嘅影子呢?
日日返工放工搭港鐵,早就預咗要同人逼,但一個唔好彩遇到列車故障嘅話,的確係會有想「死」嘅感覺!(唔知你望住列車上嘅吊環個陣,又會唔會好似圖中主角咁,覺得自己好似望住吊頸嘅繩圈?)
忙碌嘅工作,換來虛脫嘅身軀。你有幾耐冇好好休息?
唔……原來「人才係公司嘅最大資源」呢句說話係咁解。
返足全日工,放工個刻絕對係一副行屍走肉嘅樣,你話仲邊有時間同心情煮晚飯食?求求其其買個外賣食就算吧啦。
日日為公司捱生捱死嘅,又點會只得你一個!
睇完呢5幅畫,係咪即刻心有戚戚焉,仲想用粗口大鬧公司/腦細嘅無良呢?小編都有同樣嘅感覺,不過……當靜落嚟諗咗陣,最後都係決定要「自己心情自己話事」,畢竟時刻保持樂觀態度,好事總會來!
圖片: Twitter@avogado6
【你點睇】以色列遭受伊朗導彈襲擊,拜登稱不支持攻擊伊朗核設施,惟與G7領袖同意以方「合乎比例」回應,你是否認同?► 立即投票