他們大學開始拍拖，感情表面穩定，最近還籌備結婚...

　　「今次又俾我見到佢同其他女仔嘅曖昧message。」

　　「唔係嘛，又嚟。」他的這個狀況我聽得多了。

　　「今次只係曖昧，唔似上次咁偷食...」

　　「咁點算呀？」

　　「你知我架，從來都唔會拆穿。」她笑笑地說。

　　竟然如此？學習學習啊。

　　「係你先無底線忍佢，仲plan結婚！」我不知該真笑還是假笑。

　　「我有底線架，佢識得返屋企就得。」

　　幾年來的交往和曖昧、偷食同時進行，一直相安無事。他和其他女生搭上又不是第一回，只限言語文字上的互動，或是有來有往的小三，留下證據或朋友撞破向她通風報訊，她都超忍得，從來都是平靜，不發火、不追問查證，事情自然最後不了了之。

　　真的、假的出軌關係，不是重點，忍一忍天朗氣清，他有他偷腥，她有她默不作聲，只要不超越底線，在外面做甚麼都可以不管。不道破也許就是保持關係的最高招，反正他不會改，眼下的兩條路 - 要麼割席分手，要麼準備無限忍。睜一隻眼閉一隻眼很難，要繼續一起就要自行調節。

　　偷食的男人最要找到個會「包容」的女人，無窮地放任玩樂，家裏永遠有個女人不吵不鬧地等你，反正定時定候回家報到交人該不太難的！

　　邁向結婚是修成正果，還是將這場相親相愛的戲一輩子地演下去？我不會明白，我對感情很潔癖，哈。

　　「你同男人嘈又有咩好結果呢？要偷食都係會偷食架啦，仲識得返屋企咪算囉。」要這樣？如果，你不覺得專一是愛情最重要的一部分...。

　　祝福我說不出，爆谷可能買定幾打，出軌慣犯的男人，你要嗎？