我在個人臉書貼了幾款富豪金殿的post，朋友私訊笑言：「嘩，好耐冇見過富豪金殿被打卡咁多次啦！」

　　雖然只是戲言，但是笑中有淚 —— 真的，開業多年的富豪金殿，「低調」了好久好久，可說是城中最為under the radar的五星酒店中菜廳。

　　說到底，富豪金殿所屬的富豪香港酒店，亦真的很久未有成為談論對象，而且長期予人「時光倒流」甚至「日久失修」的印象，要去staycation都要諗下先。

　　咁點解我會去富豪金殿呢？一來，其實一直都想再去，記得富豪金殿曾是不少富貴人家的飯堂，提供的菜式是頗有水準，跟日漸沒落的酒店呈違和感。有次某外國朋友來港，富貴熟客邀他「食餐便飯」，我被外國朋友拉著陪伴，結果富貴熟客就在富豪金殿貴賓廳訂了一連串的鮑參翅肚，仲同外國朋友講「真係招呼唔到」。

富豪金殿門前，尚有一張古時遊客好鍾意嘅「龍椅」，咁我又不妨同William拍照留念一下。（委屈了站在旁邊的William大哥）

午餐當日，富豪金殿劃分為B區和C區，C區享用落地玻璃、充沛日光和銅鑼灣街景，B區則以封板分隔沒有景觀，其實封板是沒有必要，畢竟服務員都要梭穿不同區域，所以食客亦殊途同歸去同一個洗手間，對衛生沒有任何實質幫助，反而予人覺得食肆待慢了B區食客之嫌。

　　二來，是因為上星期我出於好奇心，在富豪香港酒店租一晚房試試staycation，並在酒店門外附近街頭碰見老朋友William Chan，方知剛剛加盟富豪金殿擔任營運總監，便於check out當日到富豪金殿吃午餐，當作支持一下William打理嘅新場。

　　早年在瑞士修讀酒店管理的William，曾於半島酒店Gaddi’s、洲際酒店Steak House、美麗華酒店國金軒、Hotel Icon等地方工作，經驗十足，還曾奪得多個品酒師比賽殊榮，對葡萄酒非常有心得，曾招呼過城中以至國際級名人明星，對中西高端餐飲都瞭若指掌，有他加盟富豪酒店，真是天降大任於William，相信未來會愈做愈好。

　　後來才發現，酒店餐飲部營運總監Dicky Lam都是新上任的，好顯然，大老闆是有心去改革整間酒店，並以餐飲質素為起步點。

撞到William，就知道今日有食神，從今以後再關注富豪金殿。

午餐的點心和菜式單張，選擇真的非常廣泛，光顧兩三次都未能試晒。

明爐子母鮑魚酥，因為一個小鮑魚加一個迷你鮑魚，牛油曲奇撻皮做得好扎實又好香脆。

理論上，明爐子母鮑魚酥要一口吃掉才體會到滋味感，男士如我都尚可應付，女士應該覺得太難。

蟹將紫薯球，輸在起跑線，賣相比較欠公整（所以要請William加盟囉）。

一口咬下蟹將紫薯球，原來又幾好喎，內裏蟹肉分量真是慷慨，可見不能以貌取點心。

川味蟹肉灌湯餃，有人見到或會話「這個不是灌湯餃而只是浸湯餃」，其實大家唔使咁心急趕住鬧，這個灌湯餃分為「外湯」和「內湯」，碗內肉眼所見的外湯是蟹肉清湯，餃內看不到的內湯的川味麻辣湯，把餃皮戳穿碗內的蟹肉清湯便混合了麻辣湯味，餃內的蟹肉又多又夠味道。（不好意思忘了拍攝餃內餡況）

龍蝦湯牛肉球，牛肉球做得好味，龍蝦湯也真的有龍蝦肉，個idea係好OK，但我覺得龍蝦湯可以再濃郁少少，令食客一看就知道可以飲埋。

下一頁：更多精美點心、老闆級紅豆沙