《米芝蓮指南香港澳門2016》首次推出街頭小食店推介，繼上期第一回介紹了車仔麵、生煎包、糕點甜品後，為食的小編再為大家準備了下回，雞蛋仔、港式滷味、外國風味篇，集美食推介、價錢、網友食評於一身的全面攻略，為食的「你」絕不能錯過！ 

滑溜腸粉－合益泰小食

　　合益泰一直以豬油腸粉聞名，店舖長期多人，而且價錢超值，七蚊四條的腸粉，幼滑晶瑩，配上自家調加入豬油的混醬，終於明白為什麼每天都大排長龍了！

豬油腸粉（$ 7/4條 $9/6條 $12/8條）

　　網友Esthersee：名不虛傳，滑滑腸粉夠彈牙，再配上甜醬和炒過的芝麻食簡直一絕，平時食的腸粉不是蒸過頭就是粉太多，總之就不夠實，但這間的腸粉條條分明，食時完全沒有糊口！

蘿蔔、魚蛋、豬皮（$25）

　　網友蕃茄醬與卡卡醬：蘿蔔好腍好甜，無渣；魚蛋少少實，不過幾好咬口；豬皮夠入味，可能我已經係老人家，如果腍啲更好，少辣，其實只是加些咖哩汁，味道不算太出！

合益泰小食

地址：深水埗桂林街121號地下

營業時間：星期一至日: 06:30-20:30

鹵味達人－第三代肥仔

　　旺角「肥姐小食」是掃街必食的店，亦是出哂名的長龍店！「第三代肥仔小食店」其實是肥姐細仔開的分店，跳出旺角到尖沙咀繼續大賣鹵味，門面到食物種類, 味道, 價錢, 份量都跟旺角一樣，售賣的鹵味包括大墨魚、火雞腎、豬心、豬耳、豬脷、豬潤、豬頭肉、豬耳、紅腸、鳳爪、大生腸和小生腸，除了大墨魚及大生腸$11外，各款滷味$6！

皇牌套餐（大墨魚+火雞腎+細生腸）$23

　　網友fatboylunch：我一定會加甜醬同芥末醬；墨魚夠爽，大腸不會咬唔爛、腎更加係可以食到「short short」聲，配埋啲醬，有時會比芥末醬攻到上腦。對於我呢個中意食咸野，又中意有咬口黎講既港女，肥姐及肥仔當然係我掃街必吃啦！

第三代肥仔

地址：尖沙咀厚福街3號華博商業大厦G1地舖

營業時間：星期一至日: 13:00-00:00

　　下頁介紹米芝蓮推介的經典港式街頭美食－雞蛋仔