求職面試問題「你最唔鍾意上一份工D乜？」堪稱史上最易中伏的陷阱之一。意志薄弱或定力稍遜的求職者，很容易墮入「呻到葉落」的困境，萬劫不復。有危自有機，求職者務必以以下3大中伏示範為誡，來個絕地反擊。大難不死咯，必有後福。

3大中伏示範：

　　1、求職者答︰「份工超無挑戰性，做嚟做去都係嗰啲，媽咪話我明明就係做大事嘅人才。」

　　HR暗藐：小事都未做好，就想做大事？唔識欣賞自己嘅工作，自尊自重，並從中搵到樂趣，咪就係你嘅問題囉。

　　2、求職者答︰「老細超難頂，識講唔識做，我真係接受唔到啲極權主義者呀！重有喎……（下刪10萬字負評）」

　　HR暗藐：同呢種負面人共事夠難頂咯……我反而同情你嘅ex老細多啲。我地公司都真係接受唔到你。

　　3、求職者答︰「間Office隔涉到呢……附近無啖好食架，衰過Hall Can。」

　　HR暗藐：就係因為咁而辭職？到底係你個人本身hea，定係求其答啲嘢嚟hea我？ 

見招拆招4步：

　　第1步 - 洞悉潛台詞

　　面試官以情感著手，透過負面發問旁敲側擊，無非想測試求職者的：

　　- 逆境智商（處理逆境或壓力的能力與態度）

　　- 心理質素（到底是正面人，還是怨婦、憤青）

　　- 工作熱誠及動機（預測能否適應新工作）

　　第2步 - 對事不對人

　　求職者即使心裏一池苦水、萬般委屈，搵工面試時務必保持冷靜理性，切忌意氣用事。作答時，宜對事不對人，切忌針對個別單位（公司、上司或同事）作出連珠爆發式「彈劾」。

　　第3步 - 避重就輕

　　建議求職者揀選一些與應徵公司及職位無關痛癢的範疇作答，概括陳述即可，免得講多錯多。另一方面，不妨乘機帶出對新公司新職位的發展空間、進修機會等期望，反客為主，凸顯積極向上的一面。

　　第4步 - 轉負為正

　　透過負面事件，帶出求職者的正面特質及能量，是秒殺印象分的致勝關鍵。作答時，宜將焦點集中在處事手法及得著上，並強調自己即使處於逆境或未盡如人意的工作環境中，仍能保持專業及熱誠。