銅鑼灣的希慎廣場，一直是年輕人的搵食地帶。最近，有兩間新餐廳同步上場，分別是型格餐廳酒吧、優雅咖啡店，後生仔必定喜歡。
　
型格美式餐廳酒吧 Eight Grand
　
　　餐廳原址是 rasuperman 拉麵店，地方不大，但就大玩型格。室內設計以工業風格做主調，紅磚牆、石屎地、鎢絲燈、生銹鐵架，拼湊出好 Raw 的格調。Casual 的氣氛，很配合 Bar Food 的輕食。
　

燈光昏暗，約會一流，夠晒浪漫。

餐廳另一邊是酒吧，提供 12 生肖雞尾酒。

　　
　　店主們都在美國唸書，對德薩斯州流行的墨西哥菜有情意結，希望把墨西哥佐酒小食，如 Tacos、Nachos、玉米燒，一併帶到店中。餐牌上亦有美式意粉、漢堡、燒肉、All Day Brunch。個人心水小食，首選辣味玉米燒，混合 10 種香料粉調味，一次過嘗到蒜香、微辣及芝士味多重層次。還有那松露薯條，認真夠邪惡，沾滿巴馬臣芝士粉及黑椒，配松露沙律醬，香口得令人欲罷不能。雪糕口味也甚少見，有墨西哥薑餅、紅蘿蔔蛋糕及酸柑味，充滿創意。
　

辣味玉米燒（$68）：日本粟米甜爽，面頭的香料粉，如蒜味、辣味、芝士好惹味。

瑪利亞蛋（$98）：是 Egg Benedict 的變奏版，在溫泉蛋、煙三文魚、菠菜底下墊了牛角包，全吸收了荷蘭醬及蛋黃汁的精華。

雜錦墨西哥玉米卷（$98）： 有牛油果醬辣肉碎、番茄醬慢煮雞腿、芒果沙沙牛肉、辣醬炸魚柳，醬汁配搭惹味醒胃。

墨西哥薑餅雪糕（$50）：薑餅味極傳神，不辛口，滑溜不會死甜。

　　
　　店主對食材頗有要求，堅持用冰鮮美國牛肉、法國春雞、日本粟米，又找來墨西哥餐廳 Socialito 的廚師過檔，但為遷就港人口味，大減辣度，辣迷可能嫌不夠過癮。另一驚喜的是，男店員個個高大靚仔又爆肌肉，令女士們差點缺氧窒息。
　
　
　Eight Grand Info
　
　　地址：銅鑼灣軒尼詩道 500 號希慎廣場 12 樓 1203 舖
　
　　電話：3568 8621
　
　　營業時間：11:30am-11pm
　
　　交通：港鐵銅鑼灣站 F 出口
　
　　泊車：利園 2 期
　
　
Comfort Food咖啡店 Moments
　
　　銅鑼灣食店眾多，轉過頭已經換上新面貌。好像位於商場13 樓的法國餐廳 Le Salon，現變身成 Moments Lifestyle Cafe。布置由原來的沉實格調改為輕鬆悠閒派，內裏有黑色皮大梳化，門口亦有 Sidewalk 位，午後時份日光折射店內，歎 Afternoon Tea 都特別寫意。
　

門外用餐區是  Sidewalk 位置，相當開揚。

黑色皮梳化椅甚有型格，午後有日光從窗戶射進來，令氛氛變得輕鬆。

　　
　　餐牌亦重新設計，主打西式 Comfort Food，分開午市、晚市及全日菜單，每個時段大約有近 10 款選擇，貴精不貴多。例如蟹餅伴 Egg Benedict、黑松露卡邦尼意粉，而煎魚、肉眼扒、烤春雞，就最適合「擦得之人」。
　

是日鮮魚（$148/午市）：鮮魚不時轉換，如比目魚、鱸魚、三文魚等，簡單香煎已吃到外脆內嫩的鮮味。

　　
　　菜式看似簡單，但卻做得細緻，曾任職酒店的大廚擅長做西餐，漢堡上的焦糖黑醋洋葱醬、混合兩種芝士和脆火腿炮製拉至起絲的焗通粉，都是自家出品。晚市更增設數款頭盤，客人可以按喜好，加錢配搭餐湯、沙律等，包括如今成為店舖招牌之一的凍茶，其款式會按時令轉換，如最近是士多啤梨茉莉花茶，清甜可口。
　

芝士風乾火腿漢堡包配薯條（$148/晚市）：集安格斯牛肉、風乾火腿、半融車打芝士、自家製焦糖洋葱醬，味道和口感都甚有層次，吃得很滿足！

焗芝士通粉（$148/晚市）：忌廉通粉鋪上巴馬臣芝士和 Mozzarella 兩種芝士一同焗製，另以脆風乾火腿和麵包糠做 Topping，增加鹹香脆感，賣相亦精緻。

 　
　　相當抵食的還有下午茶套餐，選擇包括美國薯皮、炸雞翼，昔日的招牌牛角包，如今變成迷你版，分量剛剛好不怕太飽滯。平均消費只是 $150，比以前更抵食。
　

下午茶套餐（$268/兩位）：以鹹食較多，包括炸薯皮、辣雞翼好適合年青人，必食迷你招牌牛角包，新近推出是 Tiramisu 吉士味，咖啡味濃厚。

　　
　
　Moments Info
　
　　地址：希慎廣場 13 樓 1302 號舖
　
　　電話：2115 3328
　
　　營業時間：12nn-11pm
　

（文：周浩　攝：Emmy、Kee）
摘錄自香港經濟日報