韋太無湯不歡，每日晚飯一定要有湯飲。平日的湯水唔係保健湯水，就係夏天煲的瓜菜湯。有時假日想簡單煮一頓西餐，無理由無餐湯做頭盆?

　　今期教大家煮一個簡單的青豆洋蔥湯，唔好睇少佢材料簡單，其實青豆營養豐富，洋蔥又可以殺菌，加埋薯仔，就做到個湯底有濃稠的效果，唔使煮麵撈做湯底，超簡單。

材料:

　　青豆 200克、洋蔥 1/2個、薯仔 1個(250克)、清雞湯 800毫升

做法 :

　　1.青豆沖水、瀝乾 ; 洋蔥切粒 ; 薯仔去皮切片，備用。

　　2.燒熱鑊，落2湯匙油，將洋蔥加入炒香，然後再加入青豆炒一會。

　　3.注入清雞湯及薯仔加入煲10至15分鐘，關掉爐火，待湯放涼一會。

　　4.用手提攪拌器將湯料全部打爛，然後再將湯煲滾，即成。

韋太小貼士:

　　湯的稠度及濃度，可以加入多些薯仔及清水或雞湯作調較。