在炎炎夏日，身體經常大量出汗，排汗及泌尿系統功能易失約制，只要大家懂得用湯水去調理，加強身體抵抗力，病痛都少啲。

　　苦瓜雖然係苦，但它有清熱解毒的功能，加埋粟米幫助袪濕利尿，湯水飲落清甜，當然唔會覺得苦。此湯消暑除熱，對夏天發熱，口苦咽痛，目赤腫痛，皮膚濕疹及粉刺，具食療作用。

材料:

　　苦瓜 2個(約 600克)、粟米 1條、黃豆 40克、排骨 600克、清水 2000毫升

做法:

　　1. 黃豆預先用清水浸4小時，瀝水備用。

　　2. 苦瓜去籽，切件，備用。

　　3. 排骨洗淨，放入滾水內滾3至4分鐘去除污垢，沖水瀝乾備用。

　　4. 將清水放入大鍋內煲滾，然後將所有材料加入，大火煲滾後改用中慢火煲60至90分鐘，加入適量幼鹽調味即成。