今日已經係年廿三，下星期三就係年三十晚，大家又要準備一頓豐富的團年飯。

　　其實無論團年飯或開年飯，大家總覺得要有一道「雞」的菜式，才算係一頓完美的飯宴。一般家庭多數會整白切雞，貪方便容易煮及不用花心思去諗。

　　若果大家只要加多幾個步驟及準備功夫，日後過時過節就唔駛獨沽一味。

　　平日韋太多數用水慢火浸雞，今次改用慢火蒸都可以保持雞肉嫩滑，大家不妨試下啦 ! 

烹煮時間: 45-60 分鐘

份量: 3-4 人

材料：

　　光雞 1隻 (約 600 克)、薑 6片、葱 4棵、紅辣椒 1/4隻、乾蔥頭 2粒(切片)

雞醃料:

　　幼鹽 1茶匙、紹酒 1茶匙、蔥 2棵(切段)、薑片 2片

調味汁料：

　　蠔油 1湯匙、生抽 1茶匙、老抽 1/2茶匙、蒸雞汁 120毫升、胡椒粉 少許、麻油  1茶匙、生粉 1/2茶匙 

做法：

　　1. 光雞洗淨，用少許鹽和紹酒抹勻雞內外，將薑片及葱段塞在雞腔內醃1小時。

　　2. 薑、蔥及紅辣椒切絲，乾蔥頭切片，備用。

　　3. 燒熱一鍋大滾水，將雞放入蒸5分鐘，然後改中慢火蒸約30-35分鐘至熟透，取出放涼，倒出蒸雞汁留用。

　　4. 將雞斬件上碟，將薑絲、蔥絲及紅椒絲放在雞面，燒熱1湯匙滾油淋在薑蔥上。

　　5. 燒熱鑊落少許油，將乾蔥片爆香，然後加入調味汁料煮滾，淋在雞上，即成。

韋太小貼士: 

　　蒸雞的時間要按照雞的大小重量而增加，蒸雞不能全程用大火，否則肉質不夠嫩滑。