端午節快到！說起過時過節，要構思餸菜可頭痛了，也許來去都是某幾款。如果想快上菜，可以做蒸煮，或是可以提前準備的菜式；釀節瓜甫是熱門之選，皆因材料經濟，在家自煮，總比在酒樓吃便宜呢！

　　平日做乾瑤柱蒸水蛋，可以買些較細粒或用碎的瑤柱，而大粒的乾瑤柱可以留來做宴客菜。做瑤柱節瓜甫，想慳時間又慳燃料，給大家一個貼士：可以提早2日浸發乾瑤柱，以及在煲飯時放入飯煲內一齊蒸熟，這樣就不用再多花時間蒸，仲可以慳火候。

　　順帶一提，瑤柱有滋陰補腎及健脾的功效，要調理身體，日常菜式都可以多用呢！

瑤柱節瓜甫

烹煮時間：25分鐘

分量：3 人

材料：

節瓜       2 個

乾瑤柱     6 粒

蒸節瓜調味料： 

瑤柱水   100 毫升 (若不夠可加水) 

老抽  少許

蠔油  1/2 茶匙

砂糖  1/4 茶匙

粟粉水：粟粉  1 茶匙  +  清水 1湯匙 (拌勻) 

做法：

　　1. 乾瑤柱加入清水，浸過面；放入雪櫃浸一晚。

　　2. 浸完的瑤柱連水放入蒸鍋內，大火蒸30分鐘。蒸完的瑤柱水倒出，放涼。

　　3. 節瓜頭尾切平，用小刀刮去節瓜皮，洗淨。

　　4. 每件節瓜的厚度要切成高過瑤柱的高度，用匙起出瓜釀去掉。

　　5. 燒熱一鍋熱水，加入節瓜環大火煮約5分鐘，盛起、瀝乾。

　　6. 瑤柱放入節瓜環中央，排放在碟內，注入蒸節瓜調味料。

　　7. 放入蒸鑊內，隔水用大火蒸5分鐘，然後轉中慢火蒸約10至15分鐘。

　　8. 將湯汁倒出，用小鍋煮滾，加入適量粟粉水煮至濃稠，然後淋在節瓜上，即成。

小貼士：

　　1. 選購節瓜要大小均一，做出來的效果才理想。

　　2. 大家可按照食用人數，自行加減件數。