唔經唔覺香港首位女特首林鄭月娥已經上任一周年。她在上任時重點提及要處理房屋問題;房屋問題是重中之重，對無殼蝸牛就是痛中之痛。今日林鄭就公布咗「娥六招」，係唔係可以有效處理到房屋問題?真係要由時間驗證喇!不過，不同政治光譜嘅政黨，似乎今鋪都叫有條件「收貨」啦。

今日林鄭公布咗「娥六招」。

　　Jenny醒起，林鄭競選時亦曾提及過港人民生面對住「三座大山」，包括領展、港鐵票價同埋強積金對冲問題，過咗一年，三座山林鄭又移到幾多呢?需知愚公移山要幾代人，林鄭仲要移足三座，唔通隨時要多幾個任期先得?

　　仲有仲有，林鄭月娥上場時不斷展現「管治新風格」，希望可以改善行政立法關係。林鄭會主動同民主黨派「打關係」，面又見多啲飯又食多啲，積極進行大和解，一改前特首梁振英對立法會民主派劍拔弩張嘅態度。仲個個月都上立法會，等議員可以就不同議題向佢質詢。行政立法關係好似回暖咗一排，但一個「一地兩檢」又好似令雙方關係打回原形......

　　林鄭上任一周年，etnet都做咗個系列報道，大家不妨去睇下唔同人點評價林鄭呢一年來嘅表現啦!再唔係亦可以去etnet個投票區發表一下意見，又可以同網友交流下。