有「公職王」之稱嘅行會召集人陳智思（Bernard）新學年又有新搞作，講緊嘅就係佢同太太又辦咗間國際學校，就係英國嘅老牌名校思貝禮學校（Shrewsbury School UK）嘅香港分校喇，今個星期三（29日）就開學喇！

思貝禮學校（Shrewsbury School UK）係英國嘅老牌名校。

辦學辦上癮？

　　其實Bernard都唔係第一次辦學，佢之前都搞咗間私校，身體力行支持，送埋兩位囝囝入去讀，仲會收一啲Home School同埋有特殊需要嘅同學仔，坊間口碑唔錯，可以話辦得幾成功！

　思貝禮學校係英國嘅老牌名校之一，同哈羅公學、西敏公學等齊名，而家除咗喺英國之外，亦都喺泰國曼谷同埋香港有分校，而香港呢間就係三間入面唯一一間只辦小學課程同幼兒班嘅學校，Bernard啲囝囝應該都過咗小學階段，唔可以入讀了。但Jenny身邊新手媽媽們一聽到呢個消息已經蠢蠢欲動，話準備BB一夠歲數就報名。

圖書館超大超靚!真係書都睇多幾本!

有靜又點可以冇動?室內泳池一定有啦!

料北上再開三間

　　不過身為泰國華僑嘅Bernard話，本身曼谷嘅分校都係由佢親戚引入，而家已經係當地首屈一指嘅好學校，佢說服咗佢親戚將學校引入香港，之後仲打算「擴充業務」，把握大灣區機遇，北上開多三間添！Bernard仲話噚日係學校O-day見到家長、學生同老師聽到佢地讚學校，令佢好開心，連佢自己都好期待開學呀！

　　Jenny八到，幼兒班同預備班各有4班，每班唔多於20人；而Year 1至Year 6，各級就有6班以上，每年20人，各級學生每日都要讀中文，而且係以普通話教授，簡直就係為莘莘學子融入大灣區發展打好基礎啦！

噚日係學校O-day，小朋友亦好鍾意學校!